سری نگر/ وزیر اعلیٰ عمر عبداللہ نے آج جموں و کشمیر میں پردھان منتری گرام سڑک یوجنا (پی ایم جی ایس وائی) کی عمل آوری اور پیش رفت کا جائزہ لینے کے لئے ایک میٹنگ کی صدارت کی جس میں جاری کاموں میں تیزی لانے ، دیہی رابطوکو کو بہتر بنانے اور منصوبوں کی تکمیل میں حائل رکاوٹوں کو دور کرنے پر توجہ مرکوز کی گئی۔میٹنگ میں نائب وزیر اعلیٰ سریندرکمار چودھری، ایڈیشنل چیف سیکرٹری مائننگ اشونی کمار، وزیر اعلیٰ کے ایڈیشنل چیف سیکرٹری دھیرج گپتا، ایڈیشنل چیف سیکرٹری محکمہ تعمیراتِ عامہ (آر اینڈ بی) انیل کمار سنگھ، کمشنر سیکرٹری جنگلات و ماحولیات شیتل نندا کے علاوہ محکمہ تعمیراتِ عامہ اور دیگر متعلقہ محکموں کے سینئر اَفسران نے شرکت کی۔وزیر اعلیٰ نے پی ایم جی ایس وائی کے مختلف مراحل کے تحت جاری کاموں کی صورتحال کا جائزہ لیا اور جموں و کشمیر میں دیہی علاقوں کو ہمہ موسمی سڑک رابطہ فراہم کرنے میں حاصل ہونے والی پیش رفت کا جائزہ لیا۔انہیں جاری منصوبوں، نئے منظور شدہ کاموں اور زیر اِلتوا¿ سڑکوں اور پلوں کے منصوبوں کی تکمیل کے روڈ میپ کے بارے میں جانکاری دی گئی۔
اُنہوں نے دُور دراز علاقوں میں معیار زِندگی بہتر بنانے میں دیہی سڑکوں کے رابطے کے اہم کردار پر زور دیتے ہوئے متعلقہ محکموں کو ہدایت دی کہ معیار کے اعلیٰ ترین معیار کو برقرار رکھتے ہوئے تمام منظور شدہ کاموں کی بروقت تکمیل کو یقینی بنایا جائے۔
