سید اعجاز
شوپیاں، 20 دسمبر : جنوبی کشمیر کے شوپیان ضلع کے مونجھ مارگ علاقے میں فوج اور ملی ٹینٹوں کے درمیان تصادم آرائی میں لشکر طیبہ کے تین ملی ٹینٹ مارے گئے۔ایک سینئر پولیس افسر نے نیوز ایجنسی – کشمیر نیوز آبزرور (کے این او) کو بتایا کہ لشکر طیبہ سے وابستہ تین ملی ٹینٹ مارے گئے ہیں، جن کی شناخت کی جا رہی ہے جب کہ علاقے میں سرچ آپریشن جاری ہے۔قبل ازیں ایک اہلکار نے بتایا کہ پولیس، فوج اور سی آر پی ایف کی ایک مشترکہ ٹیم نے علاقے میں ملی ٹینٹوں کی موجودگی کے بارے میں مخصوص اطلاع پر ایک محاصرہ اور تلاشی آپریشن (CASO) شروع کیا۔انہوں نے کہا کہ جب فورسز کی مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے ان پر فائرنگ کی جس پر جوابی کارروائی کی گئی جس سے انکاؤنٹر شروع ہو گیا۔۔
