سری نگر:۲، فروری: حکومت نے پرنسپل گورنمنٹ ڈگری کالج قاضی گنڈ کو بائیو میٹرک کا غیر مجاز استعمال کرنے اور مختلف مقامات سے آن لائن حاضری کو نشان زد کرنے پر منسلک کیا ۔جے کے این ایس کے مطابق ایک حکم نامے میں بتایاگیاکہ انچارج پرنسپل ڈگری کالج قاضی گنڈ مجاہد احمد کو بائیو میٹرک ڈیوائس کے غیر مجاز استعمال پر منسلک کیا گیا ہے۔آرڈر میں کہا گیا ہے کہ انہیں ہدایت کی گئی تھی کہ وہ اپنے موقف کی وضاحت کریں کہ ذاتی ڈیوائس پر بی اے ایس ڈیوائس کی تنصیب اور دفتر کے علاوہ کسی اور جگہ پر ایک ہفتے کے اندر حاضری کو نشان زد کرنے کے لئے کارروائی کیوں نہیں کی گئی لیکن وہ ایسا کرنے میں ناکام رہے۔آرڈر میں کہاگیاکہ محکمہ کو ایک شکایت موصول ہوئی ہے کہ انچارج پرنسپل ڈگری کالج قاضی گنڈاپنے گھر سے آن لائن حاضری کو نشان زد کر رہا ہے اور کالج میں جسمانی طور پر موجود نہیں ہے، اورمذکورہ پرنسپل ماہ اکتوبر، نومبر، دسمبر 2022 اور جنوری2023 کے مہینے کےلئےAEBAS پر بائیو میٹرک حاضری کا جائزہ لینے کے بعد، وہ دوبارہ خلاف ورزی کر رہا ہے۔آرڈر میں مزید لکھا ہے کہ مذکورہ بالا کو دیکھتے ہوئے پرنسپل گورنمنٹ ڈگری کالج قاضی گنڈکو اگلے حکم تک جے اینڈ کے ایمپلائز کنڈکٹ رولز1971 کے سیکشن 3(1) کی خلاف ورزی پر ڈائریکٹر کالجز جموں کے دفتر میں منسلک کیا گیا ہے۔حکم کے مطابق، پرنسپل ڈگری کالج کولگام اگلے احکامات تک پرنسپل گورنمنٹ ڈگری کالج قاضی گنڈ کا اضافی چارج سنبھالیں گے۔
