وادی کشمیر میں موسم نے لی کروٹ کئی بالائی علاقوں میں موسم کی پہلی ہلکی برف باری

سری نگر25ستمبر ,وادی کشمیر میں گزشتہ رات جہاں گلمرگ اور رازدان ٹاپ پر ہلکی برف باری جبکہ رات بھرمیدانی علاقوں میں بہتر انداز میں بارشوں کے نتیجے میں گرمی کی شدت سے لوگوں کو نجات مل گیا ہے وہی دوسری جانب کسانوں خاص کر میوہ باغ مالکان کے مایوس چہروں پر خوشی لوٹ آئی ہے ۔اس دوران محکمہ موسمیات کے ڈائر ایکٹر سونم لوٹس نے بتایا کہ کسی بارش کا کوئی امکان نہیں 30ستمبر تک موسم خشک رہنے کا امکان ہے کشمیر نیوز سروس ( کے این ایس ) کے مطابق اتوار کے روز جہاں شمالی کشمیر کے ضلع بارہمولہ میں عالمی شہرت یافتہ سیاحتی مقام گلمرگ میں برف باری ہوئی ہے جبکہ اتوار اور پیر کی درمیانی شب کو سونہ مرگ،بالتل،تجھواس،اور گرگل کے کچھ علاقوں میں ہلکی برف باری کے اطلاعات موصول ہوئے ہیں۔ جبکہ رازدان ٹاپ پر بھی برف باری کے اطلات موصول ہوئے ہیںکشمیر نیوز سروس کے نانہ ناگروں نے بتایا کہ وادی کشمیر کے تقریباً تمام میدانی و بالائی علاقوں میں گزشتہ رات10بجے سے صبح8بجے تک اچھی خاصی بارش ہوئی ہے جبکہ پیر کے روز دن میں دھوپ چھاو کا کھیل جا رہا ہے ۔اس دوران جہاں تازہ بارشوں کے نتیجے میں کئی دہائیوں بعد ماہ ستمبر میں جھلسا دینی والی گرمی سے لوگوں کو نجات مل گیا ہے وہی دوسری جانب بارشوں کے منتظر عام لوگوں کے ساتھ ساتھ کسانوں اور باغ مالکان کے چہروں پر خوشی کی لہر دوڑ گئی ہے ۔گزشتہ کئی روز سے وادی کشمیر میں میوہ صنعت سے وابستہ لوگ بارشوں کی عدم موجود گی کے باعث انہیں درپیش مشکلات جن میں خاص کر پانی کی کمی ،سیبوں پر رنگ نہ آنے اور شالی میں بلاسٹ کی بیماری سے شدید پریشانیوں کا سامنا کرنا پڑ رہا تھا ۔ کسانوں کا کہنا ہے اس وقت بارشوں کی اشد ضرورت تھی ۔فاروق احمد نامی ایک میوہ باغ مالک نے بتایا کہ یمارے باغ کے پیداوار میں کئی سال بعد اضافہ ہو اہے تاہم عین موقعے پر بارشوں کی عدم دستیابی کے باعث وہ سخت پریشان ہیں ۔انہوں نے بتایا بارشیں کم ہی ہوئی لیکن انہیں امید ہے کہ ان کا مسئلہ حل ہوا ہے اور سیبوں کے رنگ میں بھی تیزی آئے گئی ۔گزشتہ دنوں کے دوران کسان منڈیوں میں سیبوں کے قیمتوں پر خوش تھے تاہم پھل کا سائز بڑا تھا لیکن رنگ نہیں تھا جس کی وجہ سے ان کے پھلوں میں بہتر نرخ نہیں آتا تھا ۔تاہم بارشوں کے بعد انہیں امید ہے ان کی آمدنی میں اضافہ ہوگا۔ادھر شالی کے کھیتوں میں امسال سال بھر پانی کی موجودگی سے اضافہ ہوا ہے تاہم لوگوں کا ماننا ہے آخری ایام یعنی ماہ ستمبر میں پانی نہ ہونے کے وجہ سے ندی نالے بھی مسلسل کوش سالی سے سوکھ گئے تھے اور چند علاقوں میں شالی مکمل طور ختم ہوا تھا جبکہ کچھ علاقوں میں اس فصل کو بلاسٹ بیماری نے اپنی لپیٹ میں لینا شروع کیا ہے اور تازہ بارشوں کی مدد سے انہیں اب ایک امید دل میں پیدا ہوئی۔اس دوران محکمہ موسمیات کے ڈائر ایکٹر سونم لوٹس نے بتایا کہ کسی بارش کا کوئی امکان نہیں 30ستمبر تک موسم خشک رہنے کا امکان ہے