عاشق کھانڈے
ترال: گورنمنٹ ہائر سکینڈری اسکول نورپورہ میں لیکچرر انگریزی آمنہ اختر کی ملازمت سے سبکدوشی کے موقع پر ایک پروقار تقریب کا انعقاد کیا گیا، جس دوران ڈیپارٹمنٹ میں ان کی گراں قدر خدمات کو یاد کیا گیا۔ اس موقعہ پر اساتذہ نے ان کی علمی کاوشوں کو سراہتے ہو کہا کہ جس انداز سے انہوں نے تعلیم کو فروغ دینے کے لیے کام کیا اس کا بیان لفظوں میں نہیں کیا جا سکتا۔ اپنی ملازمت کے دوران انہوں نے تفویض کردہ کاموں کو بڑی بے باکی اور ذمہ داری سے نبھایا۔ تقریب سے خطاب کرتے ہوئے مزکورہ تعلیمی ادارے کے پرنسپل اچھپال سنگھ نے کہا کہ استاد کبھی ریٹائر نہیں ہوتا ۔انہوں نے مزید کہا کہ آمنہ اختر شرافت ، پاکبازی اور امانت داری کی عمدہ مثال ہیں ۔جنہوں نے ہمیشہ تندہی اور لگن کے ساتھ اپنے فرائض منصبی انجام دینے سے گریز نہیں کیا۔ اس سے قبل گورنمنٹ ہائی اسکول اونتی پورہ میں بھی ان کی یاد میں ایک رنگارنگ تقریب منعقد ہوی جس دوران انہیں عزت افزائی کرنے کے علاوہ ان کی گراں قدر خدمات کو یاد کیا گیا۔