بڈگام میں فوجی جوان کو قتل کرنے کا معاملہ
3 مارے گئے ملی ٹینٹوں سمیت 5افراد کے خلاف چارج شیٹ داخل
سری نگر:۵،نومبر : جموں و کشمیر پولیس نے پیر کو 5 ملزمان کے خلاف چارج شیٹ پیش کی جس میں 3 مارے گئے ملی ٹینٹ بھی شامل ہیں جو بڈگام ضلع کے لوکی پورہ کھاگ گاو¿ں میں ایک فوجی سپاہی کو اغوا اور قتل کرنے میں ملوث ہیں۔کشمیر نیوز سروس ( کے این ایس ) کے مطابق پولیس کی جانب سے جاری کردہ بیان کے مطابق جن لوگوں پر فرد جرم عائد کی گئی ہے ان میں لشکر طیبہ کے اطہر الٰہی شیخ او جی ڈبلیو (جو اس وقت کوٹ بلاول جیل میں بند ہیں)، محمد یوسف ڈار عرف کنترو (ایل ای ٹی کمانڈر، جو اب زندہ نہیں ہے) شامل ہیں۔ فیصل حفیظ ڈار (ایل ای ٹی ملی ٹینٹ جو زندہ نہیں ہے)، ہلال احمد شیخ عرف حنظ اللہ (ایل ای ٹی کا ملی ٹینٹ اب زندہ نہیں) اور غیر ملکی عسکریت ملی ٹینٹ بھائی عرف پٹھان بھائی عرف عثمان بھائی شامل ہے بیان میں کہا گیا ہے کہ 7مارچ 2022 کو تقریباً 21:30 بجے پولیس اسٹیشن کھاگ کو 5 جیک لائی کی چھٹی پر ایک حاضر سروس فوجی سپاہی کے لاپتہ ہونے کی شکایت موصول ہوئی جس کا نام محمد سمیر مالا ساکنہ لوکی پورہ کھاگ تھا اور اس کے مطابق لاپتہ شخص کی تلاشروع کی گئی ہے اس میں لکھا ہے کہ 3 دن کے بعد 10 مارچ 2022کو مخصوص اطلاع پر لاپتہ فوجی اہلکار کی لاش برآمد ہوئی جو گاﺅں لابران کھاگ کے کھیتوں میں کھائی میں دبی ہوئی پائی گئی۔پولیس کے مطابق ایک باضابطہ مقدمہ ایف آئی آر نمبر 09/2022 U/S 364، 302 IPC پولیس اسٹیشن کھاگ میں درج کیا گیا تھا اور تحقیقات شروع کی گئی تھی،” اس میں لکھا گیا ہے۔انہوں نے مزید کہا گی کہ تفتیش کے دوران ایک OGW اطہر الٰہی شیخ کو گرفتار کیا گیا جس نے پوچھ گچھ پر اعتراف کیا کہ اس نے لشکر طیبہ کے دیگر 4 ملزمان کے ساتھ مل کر محمد سمیر مالہ کو اغوا کیا اور اس پر تشدد کیا جس کے نتیجے میں اس کی موت واقع ہوئی۔اس کے مطابق اطہر الٰہی شیخ کو گرفتار کر لیا گیا۔ تفتیش کے دوران، مذکورہ جرم میں ملوث 3 ملی ٹینٹ221/22اپریل 2022کو گاو¿ں مالوا کنزر میں انسداد دہشت گردی آپریشن میں مارے گئے جب کہ ایک ملزم غازی بھائی عرف پٹھان پاکستانی نژاد اب بھی فرار ہے۔بیان میں مزید کہا گیا ہے کہ کیس میں مزید تفتیش اور شواہد اکٹھے کرنے کے دوران، ملزمان کے خلاف دفعہ ۳۶۴، 302،392، 201،149 آئی پی سی، 16،18،19،20،38،39 یو ایل اے (پی) ایکٹ کے تحت جرائم اور چارج شیٹ قائم کی گئی۔ اس سلسلے میں عدالت میں پیش کیا گیا۔
