پہاڑیوں کو ریزرویشن دینے سے گجروں اور بیکروالوں کے کوٹے پر کوئی اثر نہیں پڑے گا: ایل جی سنہا

سیداعجاز
سری نگر، 15 نومبر : جموں و کشمیر کے لیفٹیننٹ گورنر منوج سنہا نے منگل کو کہا کہ وزیر داخلہ امت شاہ کی طرف سے پہاڑیوں کے لیے ریزرویشن کا اعلان گجروں اور بکروالوں کو دیے گئے ریزرویشن کوٹہ پر کوئی اثر نہیں پڑے گا۔

ایل جی منوج سنہا نے یہاں جموں میں نامہ نگاروں سے بات کرتے ہوئے کہا کہ اس سے درج فہرست قبائل کے زمرے کے تحت گوجر اور بکروال برادری کے ریزرویشن پر کوئی اثر نہیں پڑے گا۔

گوجر، جن کے پاس پہلے سے ہی ایس ٹی زمرہ کے تحت ریزرویشن ہے، اندیشہ تھا کہ پہاڑیوں کو ایس ٹی کا درجہ دینے سے ان کا کوٹہ کم ہو جائے گا۔

انہوں نے یہ بھی کہا کہ ایسے لیڈر ہیں جو پہاڑیوں کے حقوق کو دبانا چاہتے ہیں۔ انہوں نے کہا کہ اب وقت آگیا ہے کہ پہاڑیوں کو ان کے حقوق مل جائیں۔

(کےاین ایس)