ٓ
سید اعجاز
ترال //جنوبی کشمیر کے سب ضلع ترال کے آری پل علاقے میں ستورہ حاجن روڑ کو تعمیر کرنے کے لئے کام کا باضابطہ طورڈی ڈی سی ممبر آری پل منظور احمد گنائی نے افتتاح کیا ہے۔اس موقعے پر یہاں ایک تقریب منعقد ہوئی ہے جس میں مقامی لوگوں ،محکمہ پی ایم جی ایس وائی کے ایگزیکٹو انجینئر پلوامہ،اے ای ای شبیر احمد ٹاک کے علاوہ علاقے میں تعینات محکمے کے دیگرتمام چھوٹے بڑے ملازمین بھی یہاں موجود رہے ۔اس دوران ڈی ڈی سی ممبر منظور احمد احمد گنائی نے سرکار ضلع انتظامیہ پلوامہ ،ترال کے علاوہ محکمہ پی ایم جی ایس وائی کے تمام ملازمین کا شکریہ ادا کیا ہے ۔گنائی نے کہا کہ عوام کے ساتھ کئے گئے وعدوں کو عملی جامہ پہنایا جائے گا۔انہوں نے کہا علاقے میں جہاں جہاں ابھی بھی رابطہ سڑک تعمیر نہیں ہو ئی ہے وہاں ان سڑکوں کو آنے والے وقت میں تعمیر کیا جائے گا ۔گنائی نے بتایا ہم نے عوام کے ساتھ جو بھی وعدے کئے ہیں انہیں ترجیحی بنیادوں پر پورا کرنے کی کوشش کی جائے گی ۔
