معروف مصنف جی این ادفر کی ایک اور تصنیف منظر عام پر آئی

سید اعجاز
سری نگر:وسطی کشمیر کے ضلع بڈگام کے وقف بورڈ مرکز چرار شریف کے اشتراک سے کشمیر مرکزی ادب کے بینر تلے حضرت شیخ العالم شیخ نور الدین نورانی رحمت اللہ علیہ کے مزار نور خانہ بدھ کے روز کانفرنس کا انعقاد کیا گیا۔ کانفرنس کی مرکزی تقریب شیخ العالم اسٹڈیز کے نامور ریسرچ اسکالر جی این ادفر کی تصنیف "الکمی آف لائٹ ،چھوتھا جلد (Alchmy of Light Volume 3rd)کے عنوان سے کتاب کی رسم رونمائی انجام دی گئی ہے جس نے حضرت نور الدین ؒنورانی ؒکی پوری شاعری کو تین جلدوں میں مرتب کرکے مکمل کیا۔ جن میں” الکمی آف لائٹ “ کا پہلا جلد2011میںجبکہ دوسراجلدسال2013 میںمنظر عام پر آئے ہیں اس کے علاوہ حیاتی شیخ ابیاطی شیخ کی آئینے میں سال 2017میں ریلیز ہوئی۔سال2020میں”سگنفکنس آف روز بل( Significance of Rozabl)اور الکمی آف لائٹ کا تیسرا شمارہ بدھ 16نومبر2022کومنظر عام آئی ہے ۔اس سلسلے میں یہاں منعقدہ تقریب میںدیگر نامور شخصیات میں پروفیسر جی این خاکی چیئرمین مرکزی نور یونیورسٹی آف کشمیر، ڈاکٹر جی این حلیم اور محمدامین بٹ صدر کمراز مرکزی اب بھی موجود تھے۔اس دوران یہاںکتاب پر دو مقالے علی احسن اور عنایت گل نے پیش کیے جن میں کہا گیا کہ کتاب نہ صرف ملک میں بلکہ ملک سے باہر بھی قارئین کو اپنی طرف متوجہ کرے گی اور ابھرتے ہوئے نوجوانوں اور اسکالرز کے لیے بہت اہمیت کی حامل ہوگی۔کانفرنس میں محققین، ادبی شخصیات، مذہبی مبلغین اور طلباءسمیت زندگی کے تمام شعبوں سے تعلق رکھنے والے افراد نے شرکت کی اور جی این ایدفر کی کاوشوں کو سراہا جنہوں نے اس مشن کو جذبے کے ساتھ آگے بڑھایا اور کشمیر کے عظیم بزرگ کی پوری شاعری کا تین جلدوں میں ترجمہ کیا۔ یہ اپنی نوعیت کا پہلا واقعہ ہے جو شیخ العالم کے روضہ مبارک پر منعقد ہوا۔