سری نگر:۷۱،نومبر:وادی کشمیر سے 3 اسکالرز کو انتہائی باوقار اور آرزﺅ مندانہ وزیراعظم ریسرچ فیلو شپ (PMRF) کے لئے منتخب کیا گیا ہے۔جے کے این ایس کوملی تفصیلات کے مطابق جامع ملیہ اسلامیہ نئی دہلی میں شعبہ فزیکس یا طبیعیات میں تحقیق کرنے والے ان تین کشمیری ریسرچ اسکالروں میں مدثر یونس صوفی ساکنہ وہبگ پلوامہ، شاہ مشیر العالم ساکنہ کھجی پورہ، کولگام اور سکینہ مسرت ساکنہ پٹن بارہمولہ شامل ہیں۔یہ تینوں خوش نصیب اور ذہین کشمیری ریسرچ اسکالرزجامعہ ملیہ اسلامیہ، نئی دہلی میں کے شعبہ فزیکس یا طبیعیات میں ڈاکٹریٹ یعنی پی ایچ ڈی کی ڈگری حاصل کر رہے ہیں۔ حال ہی میں مرکزی وزیر تعلیم، ڈاکٹر سبھاش سرکار اور جامعہ ملیہ یونیورسٹی کے وائس چانسلرپدم نجمہ اختر نے ان تینوں کشمیری ریسرچ اسکالروں کو نوازا۔میڈیا رپورٹس کے مطابق تین کشمیری ریسرچ اسکالروں میں مدثر یونس صوفی، شاہ مشیر العالم اور سکینہ مسرت کو باوقار اور آرزﺅ مندانہ وزیراعظم ریسرچ فیلو شپ (PMRF) کے لئے منتخب کیا گیا ہے کیونکہ ان کی مثالی کارکردگی اور انتہائی شاندار تحقیق ہے ۔ اس باوقار فیلوشپ کےلئے انتخاب کا عمل IIT مدراس کے سخت جائزے کے ذریعے کیا جاتا ہے۔اسکیم کے مطابق وزیراعظم ریسرچ فیلو شپ کیلئے منتخب کئے گئے ریسرچ اسکالروں کوفی کس پہلے2سال کےلئے70 ہزار، تیسرے سال کے لئے75 ہزار اور چوتھے اور پانچویں سال کےلئے80 ہزار ماہانہ تنخواہ دی جائے گی۔ اس کے علاوہ انہیں 10 لاکھ کی کل ریسرچ گرانٹ بھی ملے گی۔ یہ فیلوشپ اسکیم تمام ہندوستانی یونیورسٹیوں اور پبلک سروس کمیشنوں میں تمام +2 اور+3 بھرتی کے عمل میں ان تین اسکالرز کے انتخاب کو یقینی بنائے گی اور اس کی حمایت کرے گی۔
