سید اعجاز
پلوامہ//پلوامہ کے شاہ ظہور سپورٹس اسٹیدیم تملہ ہال میںجاری شاہورہ ٹی20کرکٹ ٹورنامنٹ کا پہلا سیمی فائنل جمعہ کو چند گام اور مچھ پونہ دیہات کی ٹیموں کے درمیان کھیلا گیا جو مچھ پونہ نے جیت لیا ۔ٹورنامنٹ میں پلوامہ اور شاہورہ تحصیلوں کی24ٹیمیں حصہ لے رہی ہیں جن میں ضلع پلوامہ کی کئی معروف ٹیمیں بھی کھیل رہی ہیں۔ٹورنامنٹ کا اہتمام بہار ادب شاہورہ نے محکمہ یوتھ سروسز اینڈ سپورٹس اور ضلع انتظامیہ کے اشتراک سے کیا ہے ۔علاقہ کے لوگوں نے ٹو رنامنٹ کے منتظمین اور ضلع انتظامیہ کی سراہنا کرتے ہوئے شاہ ظہور اسٹیدیم تملہ ہال میں بنیادی کھیل سہولیات کو بہم رکھنے کا مطالبہ کیا ہے۔بہار ادب شاہورہ کے بلال حمید شاہوری نے ضلع انتظامیہ پلوامہ اور جموں و کشمیر سپورٹس کونسل سے مذکورہ اسٹیڈیم میں بنیادی سہولیات جن میں کھلاڑیوں کیلئے بیٹھنے کی جگہ ،ٹیموں کو درکار ضروری کھیل سامان کے ساتھ ساتھ اسٹیڈیم میں ڈرسنگ روم کے تعمیراور میٹ کے فوری انتظام کا مطالبہ کیاہے ۔
