راجوری:۲،جنوری:صوبہ جموںکے سرحدی ضلع راجوری کے ڈانگری گاﺅںمیں اتوارکوہوئی فائرنگ اور پیرکی صبح جائے واردات پرہوئے خوفناک دھماکے میں مرنے والے شہریوںکی تعداد6ہوگئی ،کیونکہ فائرنگ کی زدمیں آکر4شہریوںکے ازجان ہونے کے بعددھماکے میں زخمی ہونے والے2کمسن بچے بھی لقمہ اجل بن گئے ۔فائرنگ اوردھماکے میں زخمی ہونے والے 10افرادمیں سے کچھ ایک کی حالت نازک بتائی جاتی ہے ۔جے کے این ایس کوملنے والی اطلاعات کے مطابق اجوری ضلع کے ڈنگری علاقے میں پیر کے روز ایک دیسی ساختہ بم کے پھٹ جانے کے واقعے میں زخمی ہونے والی6شہریوں میں شامل ایک نابالغ لڑکی سمیت2کمسن بچے زخموں کی تاب نہ لاتے ہوئے چل بسے ۔میڈیکل سپرنٹنڈنٹ جی ایم سی راجوری ڈاکٹر محمود نے بتایا کہ نابالغ لڑکی جو پیرکی صبح دھماکے میں زخمی ہوئی تھی علاج کے دوران زخموں کی تاب نہ لاتے ہوئے چل بسی۔کمسن بچی کی ہلاکت کے بعد دھماکے میں جاں بحق ہونے والوں کی تعداد2ہو گئی ہے۔حکام نے بتایا کہ راجوری میں اتوارکو7بجے شام فائرنگ کے ایک واقعے میں ہلاک ہونے والے شہریوں میں سے ایک کے گھر میں پیرکی صبح اُسوقت ایک آئی ای ڈی دھماکہ ہوا جب لوگ تعزیت کے لئے جمع تھے۔حکام نے بتایا کہ دھماکے کے دوران، تقریباً 7 سال کی عمر کا ایک بچہ موقع پر ہی جاں بحق ہو گیا جب کہ اس واقعے میں 6 دیگر زخمی ہو گئے۔ان کا کہنا تھا کہ زخمیوں کو علاج کےلئے جی ایم سی راجوری لے جایا گیا ۔جہاں ایک اور نابالغ بچی زخموںکی تاب نہ لاکردم توڑ بیٹھی ۔ حکام نے بتایا کہ راجوری ضلع کے ڈنگری گاو¿ں میںپیرکی صبح ہوئے آئی ای ڈی دھماکے میں چار بچوں سمیت کم از کم6 افراد زخمی ہو گئے ،جن میں سے2کمسن بچے جاں بحق ہوگئے۔حکام نےبتایا کہ دھماکہ حملہ آوروں کی جانب سے پولیس اور سیکورٹی فورسز کو جانی نقصان پہنچانے کےلئے نصب آئی ای ڈی کی وجہ سے ہوا۔انہوںنے کہاکہ اتوار کی شام اس وقت4 افراد ہلاک اور 6 دیگر زخمی ہوئے جب مشتبہ ملی ٹنٹں نے گاو¿ں کے مکینوں پر اندھا دھند فائرنگ کی۔اسے پہلے اے ڈی جی پی جموں مکیش سنگھ نے کہاکہ راجوری کے اپر ڈانگری گاو¿ں میں کل فائرنگ کے واقعہ کے متاثرین کے گھر کے قریب ایک دھماکہ ہوا۔ ایک بچہ زخموں کی تاب نہ لاتے ہوئے دم توڑ گیا، 5 افراد زخمی ہوئے،جن میں سے ایک کی حالت نازک ہے۔ سینئرپولیس افسرمکیش سنگھ نے کہا کہ ایک اور مشتبہ آئی ای ڈی دیکھا گیا جسے صاف کیا جا رہا ہے۔مقامی ہندو اور مسلم تنظیموں کی جانب سے معصوم شہریوں کے قتل کے خلاف احتجاج کےلئے بند کی کال دی گئی ہے۔حکام نے بتایاکہ اتوار کی شام راجوری کے ڈنگری گاﺅںمیں کی گئی فائرنگ کے واقعے میں ازجان ہونے والے شہریوںمیں 23سالہ دیپک کمار ولد راجندر کمار ،45سالہ ستیش کمار ولد ست پال اور56سالہ پریتم لعل ولد لال چندساکنان ڈانگری شامل ہیں جبکہ زخمیوںمیں 32سالہ شیو پال ولد پریتم شرما ،38سالہ پون کمار ولد ست پال،35سالہ روہت پنڈت،35سالہ سروج بالا زوجہ ستیش کمار،40سالہ سشیل کمار ولد کندن لال،20سالہ شوب شرما ولد پریتم لال اور17سالہ اریشی شرما دُخترستیش کمارساکنان ڈانگری شامل ہیں۔
