راجوری کے گاﺅں میں کیاگیاحملہ انتہائی بزدلانہ حرکت :ڈی جی پی

راجوری:۲،جنوری جموں وکشمیرپولیس کے ڈائریکٹر جنرل دلباغ سنگھ نے راجوری ضلع کے ڈھنگری گاﺅںمیں ایک حملے کے دوران کئی شہریوں کے ہلاک اورزخمی ہونے پرسخت افسوس اوردُکھ کااظہار کرتے ہوئے پیر کوکہاکہ حملہ آوروں کاجلد صفایاکرنے کیلئے پولیس اورفورسزسریع الحرکت ہیں ۔انہوںنے کہاکہ علاقہ میں سیکورٹی کاسرنو جائزہ لیکر مزید اقدامات اُٹھائے جائیں گے ۔جے کے این ایس کے مطابق راجوری ضلع کے ڈھنگری گاﺅںمیں اتوار کوہوئی فائرنگ اورپیرکی صبح ہوئے دھماکے کے نتیجے میں 2کمسن بچوں سمیت 6عام شہریوںکی ہلاکت اورتقریباًایک درجن افراد کے زخمی ہونے سے پیداشدہ صورتحال کاجائزہ لینے کیلئے ڈی جی پی دلباغ سنگھ نے پیرکے روز راجوری کادورہ کیا ۔انہوںنے مارے گئے اورزخمی ہونے والے شہریوںکے لواحقین کیساتھ تعزیت ،ہمدردی اور مکمل یکجہتی کااظہار کرتے ہوئے اُنھیں یقین دلایاکہ ملو ث حملہ آوروں کوجلد ختم کیا جائیگا۔دورے کے دوران میڈیا نمائندوں کیساتھ بات کرتے ہوئے پولیس چیف دلباغ سنگھ نے کہاکہ یہاں معصوم لوگوںکانقصان ہوا ہے ،کئی معصوم شہریوں کی جان گئی ہے ،ہم یہاںمتاثرہ کنبوں کیساتھ ہمدردی کااظہار کرنے آئے تھے ۔انہوںنے کہاکہ ڈھنگری راجوری میں کیاگیاحملہ بزدلانہ حرکت ہے ۔ڈی جی پی نے کہاکہ پولیس اوردیگرسیکورٹی فورسزنے ملوثین کی تلاش شروع کردی ہے ،اور حملہ آوروں کاجلد صفایا کیاجائے گا۔پولیس سربراہ نے ایک سوال کے جواب میں کہاکہ ہم اس پورے علاقے کی سیکورٹی کاجائزہ لینے کے بعدجہاں ضروری ہوا،وہاں سیکورٹی کے مزیدانتظامات کئے جائیں گے۔ڈی جی پی دلباغ سنگھ نے اسبات کی یقین دہانی کرائی کہ ڈھنگری راجوری میں معصوم شہریوں پر بزدلانہ حملے میں ملوث افراد کوکسی بھی صورت میں بخشانہیں جائے گا بلکہ بہت جلد حملہ آوروں کاصفایا کیاجائے گا۔