کپواڑہ میں فوٹو گرافی کلب کی جانب سے تقریب کا انعقاد

پیرزادہ زبیر

سرینگر/18جنوری / سی این آئی سرحدی ضلع کپواڑہ میں فوٹو گرافی کلب کی جانب سے ایک تقریب کا انعقاد کیا گیاجس میں انتظامیہ پر زور دیا گیا کہ وہ ضلع میں سیاحتی سرگرمیاں شروع کرنے کیلئے کوششیں تیز کریں۔ سی این آئی نمائندے نے تفصیلات فراہم کرتے ہوئے بتایا کہ سرحدی ضلع کپواڑہ میں فوٹو گرافی کلب کی جانب سے کپواڑہ میں ایک تقریب کا انعقاد تقریب میں ایڈیشنل ڈپٹی کمشنر غلام نبی بٹ بطور بطور مہمان شرکت کی۔ ٹریڈرس فیڈریشن کپواڑہ کے چیرمین شوکت معسودی میڈیا نمائندوں کے علاوہ دیگر لوگوں نے بھی شرکت کی۔ اس تقریب میں دوسری بار ایک کلب کی جانب سے تیار کردہ سال کے کلینڈر کی رسم رونمائی انجام دی گئیں۔ اس موقع پر انہوں نے کہا کہ پڑے لکھے نوجوانوں نے ایک کلب تشکیل دیا اور یہ نوجوانوں کو فوٹو گرافی میں کافی مہارت رکھتے ہیں۔اس لئے انہوں ایک اہم اقدام کے تحت یہ فیصلے لیا کہ وہ عوام کو اس میں اپنے کلب کے متلق جانکاری فراہم کریں گے۔اور کپواڑہ کے متعلق لوگوں کو فوٹو گرافی کے ذریعے جانکاری فراہم کر رے ہیں۔ اس موقعہ پر کلب کے بنیادی ممبر روشن شہاب نے میڈیا سے بات کرتے ہوئے بتایا کہ ضلع میں خوبصورت جگہوں کی کوئی کمی نہیںہے لیکن ان کی نشاندہی کرکے انہیں فروغ دینے کی ضرورت ہے تب ہی جاکر ضلع کپواڑہ بھی سیاحت کیلئے ایک بہترین جگہ کے بطور بن کر ابھر آئیں گئی۔ انہوںنے اس معاملے میں انتظامیہ سے اقدامات اٹھانے کی اپیل کی ہے۔ تقریب میں ویلی اینڈرسن کے پریزیڈنٹ پیر زادہ ارشد اور کپوارہ ایڈوینچرس کے بانی پیر اظہر نے بھی شرکت کی۔