ایس ایس پی اونتی پورہ نے کرائم،سیکیورٹی جائزہ اجلاس کی صدارت کی۔

سید اعجاز
اونتی پورہ: ایس ایس پی اونتی پورہ محمد یوسف نے بدھ کے روز ڈسٹرکٹ پولیس لائنز اونتی پورہ میں کرائم/سیکیورٹی جائزہ میٹنگ کی صدارت کی۔ میٹنگ میں تمام ایس ڈی پی اوز، ڈی وائی ایس پی ڈار، سینئر پراسیکیوٹنگ آفیسر، ایس ایچ اوز اور پولیس ڈسٹرکٹ اونتی پورہ کے انچارج پی پیز نے شرکت کی۔میٹنگ کے دوران 2023کے اہداف او، آئندہ یوم جمہوریہ کی تقریبات کے انتظامات، زیر التوائ یو اے پی اے کیسوں کو نمٹانا، کمزور افراد کی حفاظت اور پولیسنگ کے دیگر پہلوو¿ں بشمول تصدیق، این ڈی پی ایس کو نمٹانا، تفتیشی کارروائی اور جوابدہی پولیسنگ سے متعلق دیگر امور بھی زیر غور آئے۔ ایس ایس پی اونتی پورہ نے افسران پر زور دیا کہ وہ منشیات کی لعنت کے خلاف جنگ میں ہر ممکن کوشش کریں اور سماجی جرائم اور سائبر کرائمز کو روکنے کے لیے لگن سے کام کریں۔میٹنگ کے دوران شریک افسران نے ایس ایس پی اونتی پورہ کو اپنے اپنے علاقوں میں سیکورٹی کی صورتحال اور چیلنجوں سے نمٹنے کے لیے اپنائے جانے والے حفاظتی اقدامات کے بارے میں بتایا۔ ایس ایس پی اونتی پورہ نے حصہ لینے والے افسران کو ہدایت دی کہ وہ اضافی چوکس رہیں، ناکے/چیک پوائنٹس کو مضبوط کریں اور قابل عمل انٹیلی جنس پیدا کریں تاکہ ملک دشمن عناصر کے مذموم عزائم کو ناکام بنایا جا سکے۔آئندہ یوم جمہوریہ 2023 کی تقریبات کے لیے حفاظتی اقدامات/ تیاریوں پر تفصیل سے تبادلہ خیال کیا گیا۔ ایس ایس پی اونتی پورہ نے افسران پر زور دیا کہ وہ پولیس ضلع میں پرامن ماحول کو یقینی بنانے کے لیے زمین پر کام کرنے والی دیگر سیکورٹی فورسز کے ساتھ ہم آہنگی اور بہتر تال میل برقرار رکھیں۔تمام افسران کو ہدایت کی گئی کہ وہ عوامی توجہ کا نقطہ نظر اپنائیں اور اپنی شکایات کے ازالے کو یقینی بنائے۔