سری نگر:۳،مارچ:جے کے این ایس : وزیر اعظم نریندر مودی نے جمعہ کو کہا کہ آوٹ آف باکس یعنی عمومیت سے ہٹ کر سوچ اورطویل مدتی تصور سیاحت کو نئی بلندیوں تک لے جا سکتا ہے۔انہوں نے مزید کہا کہ ہندوستان کے دُور دراز علاقوں کے دیہات اب سیاحت کے نقشے پر آئیں۔جے کے این ایس کے مطابق ”مشن موڈ میں سیاحت کی ترقی“کے موضوع پر ایک پوسٹ بجٹ ویبینار سے خطاب کرتے ہوئے، وزیر اعظم نریندر مودی نے ایسے ایپسapps کو تیار کرنے کی بھی حمایت کی جس میں سیاحتی مقامات پر کثیر لسانی اشارے کے علاوہ ہندوستان کی متعدد زبانوں میں معلومات ہوں گی۔وزیر اعظم نے اس بات کی وضاحت کی کہ کس طرح اس سال2023-24 کا مرکزی بجٹ سیاحت کے شعبے کو مدد دے گا اور نوجوانوں کےلئے بہت سے اقتصادی مواقع پیدا کرے گا۔انہوں نے کہاکہ یہ ویبینار سیاحت کے شعبے کی تبدیلی کےلئے ہے، اور جب تمام متعلقین اکٹھے ہوتے ہیں، تو ہم مطلوبہ نتائج اور مقررہ وقت کے اندر پہنچ جاتے ہیں۔وزیر اعظم مودیکاکہناتھاکہ ” آوٹ آف باکس یعنی عمومیت سے ہٹ کر سوچ اورطویل مدتی تصور “ سیاحت کو نئی بلندیوں تک لے جا سکتا ہے۔انہوں نے اس بات پر بھی زور دیا کہ مذہبی مقامات کی تجدید نے سیاحت کو فروغ دیا ہے، اور پچھلے سال7 کروڑ لوگوں نے کاشی وشوناتھ دھام کا دورہ کیا تھا۔وزیر اعظم نریندرمودی نے صدیوں کے دوران عوام کی طرف سے کی گئی مختلف یاترا کا حوالہ دیتے ہوئے کہاکہ کچھ لوگوں کا خیال ہے کہ سیاحت ایک اچھا لفظ ہے، اعلی آمدنی والے گروہوں کےلئے، لیکن ہندوستان میں اس کا ایک طویل سماجی اور ثقافتی تناظر ہے۔یہ ویبینار 12 پوسٹ بجٹ ویبنرز کی ایک سیریز کا حصہ ہے جو حکومت کی جانب سے مرکزی بجٹ میں اعلان کردہ اقدامات کے مو¿ثر نفاذ کےلئے خیالات اور تجاویز حاصل کرنے کےلئے منعقدکئے جا رہے ہیں۔
