سری نگر:31، مارچ: پولیس نے جمعہ کے روز جنوبی کشمیر کے شوپیاں ضلع میں یوٹیوبر صحافی پر حملے میں ملوث لشکر طیبہ تنظیم کے 2 ہائبرڈ عسکریت پسندوں کو گرفتار کرنے کا دعویٰ کیا ہے۔کشمیر نیوز سروس ( کے این ایس ) کے مطابق پولیس نے ایک بیان میں کہا کہ کیس کی تحقیقات کے دوران ایف آئی آر نمبر 116/2022 U/S 307 IPC، 7´/27 A ایکٹ اور 16 UAP ایکٹ پولیس اسٹیشن ہیر پورہ ایک یوٹیوبر صحافی پر عسکریت پسندوں کے حملے سے متعلق ہے۔ ڈی وائی ایس پی ہیڈکوارٹر شوپیان کی سربراہی میں ایک ایس آئی ٹی تشکیل دی گئی۔ دوران تفتیش زبانی، حالاتی اور تکنیکی شواہد کی بنیاد پر مشتبہ افراد کی تعداد پکڑی گئی۔ پوچھ گچھ کے دوران 2مشتبہ افراد کی شناخت صہیب ریاض ولد ریاض احمد میر اور عنایت اللہ اقبال ولد محمد اقبال وانی کے نام سے ہوئی، دونوں نے دہشت گردی کے حملے میں ملوث ہونے کا اعتراف کیا۔ یہ بات بھی سامنے آئی کہ یہ جوڑی کالعدم عسکریت پسند تنظیم ٹی آر ایف کے ہائبرڈ عسکریت پسندوں کے طور پر کام کر رہی تھی۔پولیس ترجمان کے مطابق، ان کے انکشاف پر، جرائم کے ہتھیار یعنی ایک پستول کے ساتھ اس کے میگزین اور 05 پستول راو¿نڈ کے علاوہ، پولیس اور 44RR کی مشترکہ پارٹی نے سیدا پورہ پائین شوپیاں گاو¿ں کے باغات میں ایک آئی ای ڈی برآمد کیا ہے۔بیان میں کہا گیا ہے کہ کیس کی مزید تفتیش جاری ہے۔
