جموں/09اپریللیفٹیننٹ گورنر منوج سِنہا نے آج جموں میں ایس ایس جین سبھا کے تحت شری مہاویر جین ایجوکیشن سوسائٹی کے زیر اہتمام بھگوان مہاویر جنم کلیانک سے خطاب کیا۔لیفٹیننٹ گورنر نے سماج کے ہر طبقے پر زور دیا کہ وہ بھگوان مہاویر کی زندگی اور تعلیمات سے تحریک لیں اور اَپنی زندگی کو جموںوکشمیر یوٹی کے پسماندہ لوگوں کی فلاح و بہبود اور تیز رفتار ترقی کے لئے وقف کریں۔اُنہوں نے کہا ،” بھگوان مہاویر کی اہنسا ، انیکانتو اڈ اور اپری گرہ کی تعلیمات نے ہماری جامع ثقافت میں بہت زیادہ تعاون کیاہے اور ان کا نظریہ¿ آج پہلے سے کہیں زیادہ مناسب ہے۔“لیفٹیننٹ گورنر نے کہا کہ بھگوان مہاویر کی تعلیمات کا مقصد ہر قسم کے امتیاز کو ختم کرنا، اِنفرادی ترقی کو فروغ دینا اور سماجی مساوات پیدا کرنا ہے ۔ اُنہو ں نے مزید کہا کہ اُنہوں نے ہمیشہ مضبوط عزم ، نیک سوچ اور نیک راہ پر اکیلے چلنے کی ہمت پر زور دیا۔اُنہوں نے مزید کہا کہ ہمیں بھگوان مہاویر کی تعلیمات کو پھیلانے کی کوشش کرنی چاہئے تاکہ مساوات اور مشترکہ خوشحالی پر مبنی معاشرے کے خواب کو پورا کیا جاسکے۔گوررنر نے کہا،” اِنسانی شعور لامحدود ہے اور خالص بیداری سے ایک مساوی معاشرے کی تعمیر اور روحانی تبدیلی کا باعث بنے گا۔ بھگوان مہاویر کے ذریعے فراہم کردہ لازوال اقدار اور دانشمندی معاشرے کی سب سے بڑی طاقت ہے اور کلی ترقی کے لئے حکمت کا حتمی ذریعہ ہے۔“
اُنہوں نے نوجوانوں پر زور دیا کہ وہ بھگوان مہاویر کی تعلیمات پر عمل کریں اور اِنڈیا کے مستقبل کو تشکیل دینے کے لئے ان کی طرف سے دئیے گئے نظریات کی رہنمائی حاصلص کریں۔لیفٹیننٹ گورنر نے کہا کہ کچھ ہونے کا اِنتظار نہ کریں بلکہ اَپنی قوم کی اُمنگوں کو پورا کرنے کے لئے متحرک کوششیں کریں ۔ اُنہوں نے مزید کہا کہ ہمیں معاشرے میں مل کر کام کرناچاہیے جو ہر فرد کو اَپنی پور ی صلاحیت کے مطابق زندگی گزارنے کے قابل بنائے ۔اِس موقعہ پر بھگوان مہاویر کی زندگی اور تعلیمات پر ثقافتی پروگرام بھی پیش کیا گیا ۔ اِس موقعہ پر جسٹس رجنیش اوسوال ، وائس چانسلر جموں یونیورسٹی پروفیسر امیش رائے ، جی اوسی 16کارپس لیفٹیننٹ جنرل سندیپ جین، ڈائریکٹر اینٹی کورپشن بیورو جے اینڈ کے آنند جین، ایس ایس جین سبھا کے ایس ایس پنکج اور دیگر اَفسرا ن کے علاوہ طلباءاورکمیونٹی کے اَفراد بڑی تعداد میں موجود تھے۔
