سری نگر:۳،مئی : 62روزہ سالانہ امرناتھ یاترا2023میں شرکت کرنے والے یاتریوں کیلئے لگائے جانے والے لنگروںمیں فراہم کی جانے والی غذائیات کی فہرست شرائن بورڈنے جاری کردی ہے جبکہ ممنوعہ کھانے پینے کی چیزوںکی لسٹ بھی مرتب کی گئی ہے ۔جے کے این ایس کے مطابق امرناتھ شرائن بورڈ نے لنگروں (کیمونٹی کچن) میں کھانے کی اجازت اور ممنوعہ اشیاءکی فہرست جاری کی ہے۔عہدیداروں نے کہا کہ یاتریوںکی صحت پر توجہ مرکوز کی گئی ہے اور اسی کے پیش نظر لنگر تنظیموں سے کہا گیا ہے کہ وہ امرناتھ گھپاکے راستے جانے والے یاتریوں کو صرف غذائیت سے بھرپور اور صحت بخش کھانا پیش کریں۔انہوں نے مزید کہا کہ کسی بھی جنک اور تلے ہوئے کھانے کی اجازت نہیں ہوگی لیکن گھپا کی طرف جانے والے جڑواں راستوں پر یاتریوں کے لیے اس سال قائم کیے جانے والے تقریباً 120 لنگروں میں صرف غذائیت سے بھرپور کھانا پیش کیا جائے گا۔ایک عہدیدار نے بتایا کہ امرناتھ شرائن بورڈ نے ایک مینو (اجازت یافتہ، ممنوعہ) بھی جاری کیا ہے، جو تمام لنگر تنظیموں، کھانے پینے کے اسٹالوں، دکانوں اور دیگر اداروں پر لاگو ہوتا ہے تاکہ یاترا کی مدت کے دوران فعال رہے۔انہوں نے مزید کہا کہ گاندربل اور اننت ناگ کے ضلع مجسٹریٹ ہدایات کی خلاف ورزی کرنے والوں کے خلاف کارروائی کو یقینی بنائیں گے۔شرائن بورڈکے اجازت شدہ مینو میں کھانے میں اناج، دالیں، ہری سبزیاں، آلو، ساگ، نیوٹریلا سویا چنکس، بیسن کی کری، سادہ دال، سبز سلاد، پھل اور انکرت، سادہ چاول، زیرہ چاول، کھچڑی اور نٹریلہ چاول، روٹی،پھولکا،دال روٹی، مسی روٹی، مکی کی روٹی (بغیر تلی ہوئی، تیل،مکھن کے بغیر)، تندوری روٹی، روٹی،کلچہ،ڈبل روٹی، رسک، چاکلیٹ، بسکٹ، بھنا ہوا چنا اور گڑ، سمبر، اڈلی، ا±تپم، پوہا، سبزی سینڈوچ (بغیر کریم، مکھن ،پنیر)، بریڈ جام، کشمیری نان (گرڈا) اور ابلی ہوئی پکوڑی (سبزیوں کے موموس)، ہربل چائے، کافی، کم چکنائی والا دہی، شربت، لیمن اسکواش،پانی، کم چکنائی والا دودھ، پھلوں کا رس، سبزیوں کا سوپ ، منرل واٹر، گلوکوز (معیاری پیکٹ کی شکل میں)، کھیر (چاول،سابودانہ)، سفید جئی (دالیہ)، انجیر، کشمش، خوبانی، دیگر خشک میوہ جات (صرف بھنا ہوا،کچا)، کم چکنائی والا دودھ ساوین، شہد، ابلی ہوئی مٹھائیاں (کینڈی)، بھنا ہوا پاپڑ، کھاکرا، تل کا لاڈو، ڈھوکلا، چکی (گچک)، ریوری، پھولیاں مکھنے، مرمرہ، خشک پیٹھا، آملہ مربہ، پھل مربہ اور سبز ناریل شامل ہیں۔اس دوران جن اشیاءپر مکمل پابندی عائد کی گئی ہے ان میں تمام نان ویج فوڈز، الکحل، تمباکو، گٹکا، پان مسالہ، تمباکو نوشی، دیگر نشہ آور اشیاء، بھاری پلاو/فرائیڈ رائس، پوری، بتھورا، پیزا، برگر، بھرا ہوا پرانٹھا، ڈوسا اور تلی ہوئی روٹی، مکھن کے ساتھ روٹی ، کریم بیسڈ فوڈز، اچار، چٹنی، تلی ہوئی پاپڑ، چومین اور دیگر تمام تلی ہوئی،فاسٹ فوڈ، کولڈ ڈرنکس اور کراہ، حلوہ، جلیبی، گلاب جامن، لڈو کھویا برفی، رسگلہ اور دیگر تمام حلوائی اشیاء، کرنچی سنیکس (زیادہ چکنائی) اور نمکین) چپس / کرکورے، مٹھی، نمکین مکسچر، پکوڑا، سموسے، فرائیڈ ڈرائی فروٹس اور دیگر تمام ڈیپ فرائیڈ آئٹمزشامل ہیں۔
