بین الااقوامی سطح کی تقریب اورغیر ملکی مہمانوں کیلئے ضروری انتظامات مکمل
سرینگر:۳۱،مئی: سری نگرکے مشہور جھیل ڈل کے کنارے پرواقع ایس کے آئی سی سی کی سجاوٹ اورآرائش کاکام حتمی مرحلے میں داخل ہوگیاہے ،کیونکہ یہاںرواں ماہ کی22سے24تاریخ تک جی20ٹورازم ورکنگ گروپ کی میٹنگ منعقدہورہی ہے ،جس میں 100کے لگ بھگ ملکی اوراتنی ہی تعدادمیں غیرملکی مندوبین کی شرکت متوقع ہے ۔جے کے این ایس کے مطابق ذرائع نے بتایاکہ مشہورقدرتی آبگاہ جھیل ڈل کے کنارے پر واقع SKICCکے مخصوص کانفرنس ہال کوجدیدسہولیات سے آراستہ کیاگیااوریہاں بین الااقومی تقریب کیلئے ایک پُرکشش اسٹیج بھی تیارکیاگیاہے ۔ساتھ ہی اس عالمی سطح کی میٹنگ میں شرکت کیلئے آنے والے200سے زیادہ مندوبین کے قیام وطعام کیلئے بھی خاص انتظامات کئے جارہے ہیں جبکہ غیرملکی مندوبین کے دورہ جھیل ڈل ،مغل باغات اور ممکنہ طور پر گلمرگ جانے کے پیش نظربھی انتظامت کئے جارہے ہیں ۔ذرائع نے بتایاکہ غیرملکی مندوبین کی مہمان نوازی میںکوئی کسر باقی نہیں رکھی جائے گی ،تاکہ وہ اچھی یادوں کیساتھ یہاں سے واپس جائیں ۔ذرائع نے مزید بتایاکہ جھیل ڈل کومزیددیدہ زیب بنانے کیلئے یہاں صفائی کاکام شدومدسے جاری رکھاگیاہے اوراس مقصد کیلئے500مزدوروں کیساتھ ساتھ گھاس پھوس کاٹنے والی جدیدمشینیں بھی کام کررہی ہیں ۔انہوںنے مزید کہاکہ بلیو وارڈروڑ پر بھی خاص توجہ دی گئی ہے ،اوراس اہم روڑ کوبھی جدید لائٹنگ سسٹم کیساتھ سجایاگیاہے ۔اس دوران ذرائع نے بتایاکہ سری نگراسمارٹ سٹی پروجیکٹ جس پر لگ بھگ3000کروڑ روپے لاگت آنے کاتخمینہ لگایاگیاہے ،کے نصف سے زیادہ کام مکمل کئے گئے ہیں اورڈبل شفٹ کے تحت رات دن سڑکوںکی تعمیر نو ،فٹ پاتھوںکی کشادگی اوردیگر متعلقہ کام مکمل کئے جارہے ہیں ۔شہر کے سیول لائنز اوردیگر نزدیکی علاقوں بشمول تراجباغ میں سڑکوں پر ترنگا لائٹس نصب کی گئی ہیں ،اور شام کے وقت پورا شہر قمکانے لگتاہے ۔انہوںنے بتایاکہ راجباغ کے سائڈ سے ریور ویو کام اگلے کچھ دنوںمیں مکمل کئے جائیں گے جبکہ سیول لائنز علاقے میں بیشتر کام تکمیل کے مراحل میں ہیں ۔انتظامیہ کوپوری اُمید ہے کہ کشمیر میں اپنی نوعیت کی پہلی بین الااقوامی تقریب کامیابی کیساتھ سرانجام دی جائے گی ،اورایس کے آئی سی سی میں تین روزہ مشاورتی میٹنگ نتیجہ خیز ثابت ہوگی۔