ساغر فردوس
سوپورہ //شمالی کشمیر کے ضلع بارہمولہ سیول ڈیفنس کی جانب سے گورنمنٹ ہائر سیکنڈری اسکول زالورا اور یوتھ بلڈنگ اینڈ پیس فاو¿نڈیشن ٹرسٹ بومی (YBPF) بشمول انڈین آرمی یونٹ زالورہ کے اشتراک سے ایک روزہ بیداری پروگرام کا انعقاد کیا گیا۔کشمیر نیوز رسروس( کے این ایس ) کے مطابق اس موقع پرتقریب میں مہمان خصوصی پرنسپل ہائیر سیکنڈری سکول بومی عبدالاحد گوجری کے ہمراہ انچارج پرنسپل ہائیر سیکنڈری سکول زالورہ لیکچرر غلام نبی گنائی اور سرپنچ زالورہ-بی کم بی ڈی سی بلاک تجر غلام احمد لون تھے۔اس موقع پر بلال احمد بھٹ سکریٹری (YBPF)، محمد ایوب ممبر چیف ڈیفنس بارہمولہ کے علاوہ طلباءکی بڑی تعداد بشمول اسٹاف ممبران کے علاوہ دیگر اہم شخصیات اور مقامی نوجوانوں نے بیداری پروگرام میں حصہ لیا۔تقریب می ڈاکٹر میر عنایت چیف وارڈن سول ڈیفنس آرگنائزیشن، بارہمولہ نے کامیابی کے لیے بنیادی زندگی کی مہارتوں اور خاص طور پر جذباتی انتظام، تمباکو کے استعمال کے خطرات اور موبائل اور انٹرنیٹ کی لت سے متعلق پریزنٹیشن دی۔ انہوں نے کہا کہ بہت سے سماج دشمن عناصر نوجوانوں کو اس لعنت میں دھکیل کر ان کی زندگیاں برباد کر رہے ہیں اور اس عزم کا اظہار کیا کہ منشیات فروشوں، ڈیلروں کے خلاف سخت کارروائی کی جائے گی اور ان کے گٹھ جوڑ کو توڑنے کی تلقین کی۔نمائندے ساگر فردوس کے ساتھ بات کرتے ہوئے ہائیر سیکنڈری سکول زالورہ کے طلباءنے کہا کہ اس طرح کے پروگرام بہت اہم ہیں اور انٹرنیٹ کے برے اثرات ہم پر پڑ رہے ہیں۔ انہوں نے انہیں اس حوالے سے سماجی بیداری کے عمل کا حصہ بننے کا مشورہ دیا۔انہوں نے اس حقیقت پر بھی زور دیا کہ اساتذہ اور تمام اسٹیک ہولڈرز کو یہ مشورہ دیا جانا چاہیے کہ والدین طلبائ کی سرگرمیوں اور رویے پر نظر رکھیں اور ان کے تئیں ہوشیار رہیں۔اسکول کے پرنسپل نے شرکاءکا استقبال کیا اور اسکول مینجمنٹ کے عہدیداروں بالخصوص پرنسپل ابو احد گوجری نے شکریہ کا ووٹ پیش کیا اور خواہش ظاہر کی کہ ایسے پروگرام وقت کی ضرورت ہیں۔
