یوٹی کے 2711 بے زمین لوگوں کو 5 ملیر اراضی فراہم کرنے کا اعلان

سید اعجاز
سرینگر//جموںو کشمیر گوجر بکروال کانفرنس کے جنرل سیکٹری محمد یاسین پسوال نے سرکار کی جانب سے جموںو کشمیر یوٹی کے 2711بے زمین کنبوں کو5مرلے اراضی فراہم کرنے پر سرکار خاص کر ایل جی انتظامیہ کا شکریہ ادا کیا ہے ۔انہوں نے کہا جموںو کشمیر گوجر بکروال کا یہ مطالبہ کافی سالوں سے تھا تاہم موجودہ ایل جی انتظامیہ نے اس مطالبے کو عملی جامہ پہنایا ہے جس کے لئے ہم ایل جی انتظامیہ کا شکریہ ادا کیا ہے۔محمد یاسین پسوال نے بتایا کہ اس اقدام سے بے گھر کنبوں کو گھر بنانے کا موقع ملے گا۔انہوں نے نمائندے کے ساتھ بات کرتے ہوئے بتایا پی ایم اے وائی اسکیم کے بڑی تعداد میں مکان فراہم کرنے سے جموںو کشمیر کے بے گھر لوگوں کو گھر تعمیرکرنے میں مدد ملے گا ۔انہوں نے ایل جی انتظامیہ سے اپیل کی ہے کہ یہ اسکیم تمام مستحقین تک بہتر انداز میں پہنچایا جائے کیوں کہ چند معمولی غلطیو ں کی وجہ سے کچھ علاقوں سے مستحق افراد کو اسکیم سے دور رکھا جا رہا ہے ۔انہوں نے اس اقدام کے لئے بھی مرکزی سرکار شکریہ ادا کیا۔