امرناتھ یاتراکے پیش نظر ٹریفک مینجمنٹ

سری نگر:۳، جولائی: جے کے این ایس : لیفٹیننٹ گورنر منوج سنہا نے پیر کو کہا کہ امرناتھ یاتری کے پیش نظر سیاحوں ومقامی شہریوں کی نقل و حرکت اگلے2دنوں میں ہموار کیا جائےگا۔جے کے این ایس کے مطابق راج بھون میں پریس کانفرنس سے خطاب کے دوران امرناتھ یاترا کے بارے میں لیفٹیننٹ گورنر منوج سنہانے کہا کہ یاترا مناسب حفاظتی انتظامات کے درمیان دونوں پٹریوں پر آسانی سے جاری ہے۔ انہوں نے کہا کہ 4000سینٹری ورکرز ہیں جو کوڑے دان کی صفائی کے لیے تعینات کئے گئے ہیں۔منوج سنہانے مزید کہا کہ تشویش کا ایک شعبہ سیاحوں اور مقامی شہریوں کا ٹریفک مینجمنٹ ہے، جسے اگلے دو دنوں میں ہموار کیا جا رہا ہے۔انہوں نے کہاکہ اس بات کو یقینی بنایا جا رہا ہے کہ مقامی لوگوں کو کم سے کم تکلیف کا سامنا کرنا پڑے۔ یہ پوچھے جانے پر کہ وی آئی پی موومنٹ کے دوران لوگوں کو تکلیف کا سامنا کرنا پڑتا ہے، لیفٹیننٹ گورنر منوج سنہانے کہا کہ لوگ معمول کے مطابق محسوس کر رہے ہیں اور آنے والے مہینوں میں لوگ اسے محسوس کریں گے۔ انہوںنے اپنی بات جاری رکھتے ہوئے کہاکہ جیسا کہ میں نے کہا، اگلے دو دنوں میں ٹریفک کے انتظام کو ہموار کر دیا جائے گا۔ لیفٹیننٹ گورنر منوج سنہانے کہاکہ پہلی بار کشمیر آنے والے یاتری کو وقت وغیرہ کا علم نہیں ہوتا اور وہ ٹریفک میں پھنس جاتا ہے اور اسے سیکورٹی فورسز نے زمین پر روک دیا ہے۔ اس لئے ٹریفک ریگولیشن پلان پر کام کیا جا رہا ہے، جسے اگلے دو دنوں میں نافذ کر دیا جائے گا۔ انہوں نے ایک سوال کا جواب دیتے ہوئے کہا کہ امرناتھ یاترا کی کوریج کےلئے میڈیا پر کوئی پابندی نہیں ہے