سری نگر18 اگست جموں و کشمیر کے لیفٹیننٹ گورنر منوج سنہا نے جمعہ کو کہا کہ یوٹی میں فلمی سیاحت کی بحالی کا مشاہدہ کیا جا رہا ہے کیونکہ دو سال قبل نئی فلم پالیسی کے آغاز کے بعد 300سے زیادہ فلموں اور سیریلز کی شوٹنگ کی گئی ہے۔کشمیر نیوز سروس ( کے این ایس ) کے مطابق جموں کشمیر کے ایل جی منوج سنہا نے ٹی وی سیریل پشمینہ کے پہلے دن کے شوٹ کا افتتاح کرنے کے بعد زیرو برج پر صحافیوں سے بات کرتے ہوئے کہا کہ دو سال قبل جموں و کشمیر انتظامیہ نے تمام اسٹیک ہولڈرز سے مشاورت کے بعد ایک نئی فلم پالیسی کا آغاز کیا تھا۔انہوں نے کہا جموںو کشمیر ایک بار پھر پسندیدہ فلم کی منزل کے طور پر ابھر رہا ہے۔ انہوں نے کہا جموںو کشمیر میں1980 کا وہ دور واپس آ رہا ہے جب کشمیر میں ہالی ووڈ اور بالی ووڈ فلموں کی شوٹنگ ہوئی تھی۔ ایل جی نے کہا کہ آج انہوں نے ٹی وی سیریل پشمینہ کا افتتاح کیا۔انہوں نے کہا کہ فلمی سیاحت کا احیاءجموں و کشمیر کی معیشت کو ترقی دینے اور نوجوانوں کو روزگار کے مواقع فراہم کرنے میں مدد دے گا۔ خیال رہے جموںو کشمیر میں 1988ءمیں مسلح تحریک شروع ہو نے کے ساتھ ہی جموںو کشمیر میں بڑے پیمانے پر تشدد اور خون خرابہ ہوا جس کے بعد یہاں حالات انتہائی خراب رہے جس کے نتیجے میں ملک و غیر ملکی سیاحوں کے ساتھ ساتھ عام لوگ بھی کشمیر نہیں آتے تھے کیوں کہ یہاں ہر کوئی خراب حالات اور گولیوں کی گن گرج سے دور رہنا چاہتا تھاجبکہ ان تیس سال سے یادہ وقت کے دوران جموںو کشمیر میں یہاں کی معشیت کو زبردست نقصان پہنچا ہے جس میں شعبہ سیاحت اور ہوٹل والوں کی کمائی نہ ہونے کے برابر ہوتی ہے ۔اگر چہ ان تیس سال میں کئی بار حالات میں تھوڑی تبدیلی آئی ہے تاہم اس کے باوجود یہاں ڈر اور خوف کی خبروں کی وجہ سے زیادہ تعداد میں لوگ یہاں نہیں آتے تھے ۔تاہم موجودہ سرکار نے جموںو کشمیر میں امن قائم کرنے میں اہم رول ادا کیا ۔کیوںکہ ایل جی منوج سنہا نے حال ہی میں ایک تقریب میں کہاہے کہ ہم امن قائم کرنے میں یقین رکھتے ہیں نہ کہ امن خریدنے میں ۔انہوں نے بتایا کشمیر میں پتھراو اور ہٹالی کالیں اب قصہ پارینہ ہے جبکہ جموںو کشمیر ترقی کی راہ پر گامزن ہے انہوں نے بتایا سرکاری آخری شہری تک پہنچنا ہدف ہے تاکہ ہر کوئی سرکاری کی اسکیموں سے فائدہ اٹھا سکے ۔سرکاری اعداد شمار کے مطابق جموںو کشمیر میں اب تک لاکھوں کی تعداد میں ملکی و غیر ملکی سیاحوں نے دورہ کیا ہے جبکہ متعدد فلمیں اور سیریل بھی جنت نما وادی کی خوبصورتی میں شوٹ ہوئے جبکہ سیاحوں کو کشمیر راغب کرنے میں سرکار نے کامیابی حاصل کی ہے ۔