قومی اقلیتی امور کے چیرمین آف انڈیا اقبال سنگھ لاپوری کا دورہ ترال

سری نگر18 اگست قومی اقلیتی امور آف انڈیا کے چیر مین اقبال سنگھ لالپوری ان دنوں سرکاری دورے پر کشمیر آئے ہیں اس سلسلے میں انہوں نے جمعہ کی صبح جنوبی کشمیر کے سکھ آبادی والی علاقے سیموہ ترال کا کچھ سکھ فرقے کے سیاسی و سماجی لیڈران کے ہمراہ دورہ کیا ہے ۔اس دوران ایڈیشنل ڈپٹی کمشنر ترال ساجد یحیٰ نقاش نے ان کا اپنے دیگر پولیس اور سیول انتظامیہ کے افسران کے ہمراہ ان کا استقبال کیا ہے ۔ اس دوران انہوں نے ایک مقامی گردوارے میں ایک پروگرام منعقد کیا ہے جس میں سکھ فرقے کے کئی سیاسی،سماجی رہنماﺅں نے شرکت کی ہے ۔ جبکہ تقریب میں لوگوں نے مزکورہ چیر مین کو مختلف نوعیت مسائل ،مشکلات اور مطالبات ان کی نوٹس میں لائے ہیں اور ایک مفصل میمورنڈم پیش کیا ہے ۔ درے کے بعد میڈیا کے ساتھ بات کرتے ہوئے اقبال سنگھ لالپوری نے بتایا کہ سماج میں نہ کبھی مسائل ختم ہوں گے اور نا ہی عوامی مانگیں ۔انہوں نے بتایا ہوسکتا ہے جو جموںو کشمیرکے سکھ یہاں مانگ رہے ہیں انہیں اسے بھی زیادہ کچھ ملے ۔انہوں نے بتایا کشمیری کے سکھوںنے کافی قربانیاں دی ہے کشمیر کے لئے یہ اس چیز کے مستحق ہیں اور میں ان کا وکیل ہوں ۔چیر مین نے بتایا کشمیر وادی میں دہائیوں کے بعد خوشی اور امن لوٹ آیا ہے انہوں نے بتایامیں نے گزشتہ شام10گھنٹے جھیل ڈل میں گزارے ہیں لوگ خوش ہیں اور ترقی کی راہ پر ہے ہر سو شانتی کا موحول ہے ۔انہوں نے بتایا جنت کو ساری دنیا میں جنت بنا دی اس کے لئے ہم کام کر رہے ہیں ۔خیال رہے چیر مین کا دورہ اس وقت کشمیر کا سرکاری سطح پر ہوا ہے جہاں کشمیر کے سکھ فرقے کے لوگ سیاسی ریزرویشن سمیت کئی مطالبات کر رہے ہیں ۔