سید اعجاز
ترال //عوامی مسائل کو مقامی سطح پر ہی حل کرنے کی غرض سے انتظامیہ کی جانب سے سلسلہ وار پبلک اوٹ ریچ پروگراموں کا سلسلہ جاری ہے۔بدھ کے روز جنوبی کشمیر کے سب ضلع ترال میں بھی انتظامیہ سے عوام کو درپیش مسائل کو دور کرنے اوران کے حل کے لیے عوامی رابطہ پروگراموں کی مہم جاری رکھی ہے ایڈیشنل ڈپٹی کمشنر ترال ساجد یحیٰ نقاش نے بدھ کے روز امیر آباد ترال میں تمام سیکٹرل افسران کے ساتھ عوامی رابطہ پروگرام کی قیادت کی۔ مقامی لوگوں نے پروگرام میں شرکت کی اور اپنے مطالبات انتظامیہ سامنے رکھے ہیں ۔اس دوران پروگرام میں کچھ مسائل کو موقعے پر ہی حل کیا گیا ہے جبکہ باقی مسائل کو سب ضلع انتظامیہ کی حد اختیار سے باہر ہے ان کو بھی انتظامیہ کے اعلیٰ افسران کی نوٹس میں لانے کا یقین دلایا گیا ہے ۔ انتظامیہ کے ایک افسر نے بتایا کہ پروگرام میں ہیلتھ،محکمہ مال ، آر ڈی ڈی ایری گیشن روڈز، کے پی ڈی سی ایل کے 19مطالبات موصول ہوئے، جن میں سے کئی کو موقع پر ہی حل کر دیا گیا۔یڈیشنل ڈپٹی کمشنر نے مقامی لوگوں کو یقین دلایا کہ آنے والے دنوں میں ان کے مطالبات پورے کیے جائیں گے۔
