غازی آباد/یکمستمبر2023ئلیفٹیننٹ گورنر منوج سِنہا نے آج ہریش چندر تیاگی پبلک لائبریری غازی آباد کی 25سالہ یاد گاری تقریب میں شرکت کی۔اِس موقعہ پرلیفٹیننٹ گورنر نے اَپنے خطاب میں ہریش چندر تیاگی پبلک لائبریری سے وابستہ لوگوں کو مُبارک باد دی ۔ اُنہوں نے کہا کہ لائبری مقامی کمیونٹی کے لئے تعلیم اور فکری تحریک کا ذریعہ رہی ہے جو ہر عمر کے گروپوں بالخصوص نوجوانوں کی خدمت کرتی ہے۔اُنہوں نے ڈیجیٹل ٹیکنالوجی اور آرٹیفیشل اِنٹلی جنس پر بات کرتے ہوئے کہا کہ لائبریریاں ہمیشہ علم کاگہوارہ رہیں گی۔لیفٹیننٹ گورنر نے کہا ،” پبلک لائبریریاں متعلقہ رہیں گی اور ڈیجیٹل دور میں ترقی کرتی رہیں گی کیوں کہ یہ نہ صرف علم ، تحقیق،نئے خیالات نقطہ و نظر کا ذخیرہ ہے بلکہ کمیونٹی کے احساس اور جامعیت کو بھی فروغ دیتی ہے۔“اُنہوں نے تقریب میں جموںوکشمیر کے لوگوں کو لائبریریوں تک رَسائی فراہم کرنے کے لئے جموںوکشمیر اِنتظامیہ کی کوششوں کا بھی اِشتراک کیا۔لیفٹیننٹ گورنر نے کہا کہ ہم نے اننت ناگ ، پلوامہ ، شوپیاں اور جموںوکشمیر یوٹی کے چھوٹے قصبوں جیسے اَضلاع میں لائبریریاں قائم کرنے اور اَپنی لائبریریوں کو اِی۔ لرننگ اور کونسلنگ مراکز کے طورپ رتیار کرنے کے لئے اہم کوششیں کی ہیں۔ اُنہوں نے مزید کہا کہ آج اِن مراکز سے ہمارے نوجوانوں کو 3.5کروڑ اِی ۔ کتابیں دستیاب کی گئی ہیں۔اُنہوں نے کہاکہ بانڈی پورہ کے اراگام گاﺅں کو ملک کے پہلے کتابی گاﺅں میں تبدیل کیا گیا ہے ۔ اُنہوں نے کہا کہ حال ہی میں ایک میوزیم او رلائبریری کے ساتھ ایک ثقافتی مرکز بھی گریز میں کنٹرول لائن کے ساتھ رہنے والے درد شِن قبائلی کمیونٹی کے لئے وقف کیا گیا ہے۔
لیفٹیننٹ گورنر نے کہا کہ نادر مخطوطات کی ڈیجیٹلائزیشن نوجوانوںکو جموںوکشمیر اور ملک کی تاریخ اور ثقافتی ورثے سے جوڑ رہی ہے۔اِس موقعہ پر لیفٹیننٹ گورنر نے ہریش چندر تیاگی پبلک لائبریری میں قائم بُک بینک کا اِفتتاح کیا۔ یہ پورے سیشن میں طلباءکو مختلف مضامین پر مفت کتابیں فراہم کرے گا۔لائبریری کے 25سالہ سفر کو بیان کرنے والی ایک یاد گاری اِشاعت بھی جاری کی گئی۔اِس موقعہ پرممبر پارلیمنٹ راجیہ سبھا ڈاکٹر انیل اَگر وال ، میئر غازی آباد میونسپل کارپوریشن محترمہ سنیتا دیال ، چیئرمین یشو د اسپر سپیشلٹی ہاسپٹل ڈاکٹر دنیش اروڈہ ، کسٹوڈین ہریش چندر تیاگی پبلک لائبریری بلیشور تیاگی اور دیگر معززین موجود تھے
