دہشت پسندوں اور دہشت کے حامیوں کو اپنے گھروںمیںپناہ نہ دیں، بس اتناکرﺅ اورآرام سے بیٹھو،اہلیان سوپور سے لیفٹنٹ گورنر کی تلقین

سوپور:۷،ستمبر: : جموں وکشمیرکے لیفٹنٹ گورنر منوج سنہا نے جمعرات کو اہلیان سوپور سے اپیل کی کہ وہ دہشت پسندوں اوردہشت کے حامیوں وساتھیوں کو اپنے گھروں میں کوئی جگہ نہ دیں ۔انہوںنے ساتھ ہی کہاکہ جموں وکشمیرمیں دہشت گردی کے ماحولیاتی نظام کی کمرتوڑنے کیلئے انتظامیہ پُرعزم ہے اوریہ کہ دہشت گردوں ،اُن کے حامیوں اور تنازعات سے فائدہ اُٹھانے والوں سے نمٹنے کیلئے جموں وکشمیرپولیس اور دیگرسیکورٹی ایجنسیاں اپنی کارروائیوںمیں مصروف عمل ہیں ۔جے کے این ایس کے مطابق ڈاک بنگلہ سوپورمیں منعقدہ ایک تقریب سے خطاب کرتے ہوئے لیفٹنٹ گورنر منوج سنہا نے کہاکہ انتظامیہ دہشت گردی کے ماحولیاتی نظام کوجڑ سے اُکھاڑ پھینکنے اورتنازعات کے منافع خوروں کیساتھ سختی سے نمٹنے کیلئے پُرعزم ہے ،جنہوںنے پچھلی کئی دہائیوںکے دوران اپنی تجوریاں بھریں اورعام آدمی کو تکلیف میں چھوڑ دیا۔منوج سنہا نے سوپور اورباقی جموں وکشمیر کے باشندوں پرزوردیاکہ وہ دہشت گردوں اوراُن کے حامیوں وساتھیوںکوکسی قسم کی کوئی پناہ نہ دیں ۔انہوںنے لوگوں سے کہاکہ بس اتناکرﺅ اورآرام سے بیٹھو ،باقی پولیس اور سیکورٹی فورسز پرچھوڑ دﺅ۔انہوںنے کہاکہ ہماری پولیس اور سیکورٹی فورسز،انتظامیہ کے مکمل تعاون سے دہشت گردی اوراسکے ماحولیاتی نظام کو جموں وکشمیر سے ختم کرنے کویقینی بنائیں گی۔لیفٹنٹ گورنر منوج سنہا نے کہاکہ ہم اس وقت تک آرام سے نہیں بیٹھیں گے ،جب تک دہشت گردی کی ریڑھ کی ہڈی کوتوڑانہیں جاتاہے۔انہوںنے کہاکہ انتظامیہ تنازعات کے منافع خوروں یعنی تنازعات سے فائدہ اُٹھانے والوں کیخلاف سخت کارروائی کیلئے بھی پُرعزم ہے ۔لیفٹنٹ گورنر نے کہاکہ جوکوئی بھی دہشت گردی کوایک ہتھیار کے طور پر استعمال کرتے ہوئے اپنی تجوریاں بھرتے ہیں اورعام آدمی کوتکلیف میں ڈالتے ہیں،اُن کو بخشانہیں جائے گا بلکہ اُن کو قانون کاسامنا کرنا پڑے گا۔لیفٹنٹ گورنر منوج سنہا نے سوالیہ اندازمیں کہاکہ سوپورکو’قندھار‘کانام کس نے دیا،جو1970تک ایک مشہورکاروباری مرکز تھا؟۔انہوںنے کہاکہ اسکے ذمہ داروں نے سوپور کے عوام اورآنے والی نسلوں کیساتھ بڑی ناانصافی کاارتکاب کیا ہے،اسلئے اُن کو اپنے گناہوںکا حساب بھی دینا پڑے گا،اور گناہوںکی سزابھی بھگتنا پڑے گی ۔منوج سنہا نے کہاکہ وزیراعظم مودی جی کی زبردست حمایت سے جموں وکشمیرکی انتظامیہ سوپورکی شان کودوبارہ زندہ کرنے کویقینی بنائے گی ۔انہوںنے کہاکہ ایشیاءکی سب سے بڑی فروٹ منڈی ہونے کے باوجود سوپورکوکئی دہائیوں تک ناانصافی کاسامنا کرنا پڑا،لیکن ہم اسبات کویقینی بنائیں گے کہ سوپور ملک کاایک ماڈل ٹاﺅن بن کر اُبھرے ۔لیفٹنٹ گورنر منوج سنہا نے کہاکہ عظیم کشمیری شاعر مہجور نے ایک بارکہاتھاکہ ’اگر مسلمان دُودھ ہے توہندﺅچینی (شکر) ہے “۔لیفٹنٹ گورنر منوج سنہا نے کہاکہ سوپورفرقہ وارانہ ہم آہنگی کیلئے جاناجاتاتھا اورہم اس بات کویقینی بنائیں گے کہ یہ جلد اس جگہ پرواپس آجائے ۔لیفٹنٹ گورنر نے میونسپل کونسل سوپورکی ستائش کرتے ہوئے کہاکہ یہاںکی میونسپل کونسل سوپورشہرکو صاف ستھرا رکھنے کیلئے بہت اچھا کام کررہی ہے ۔انہوںنے تاہم کہاکہ جب تک عام آدمی بیدار نہیں ہوتااوراپنا کردار ادانہیں کرتا،سڑکوں پر غیر ملکی ساختہ ماربل استعمال کرنے کاکوئی مزہ نہیں ۔لیفٹنٹ گورنر منوج سنہا نے کہاکہ ہم یہاں ترقی کوسیاست یافائدے کیلئے نہیں بلکہ اپنے دھرم کے طورپریقینی بنارہے ہیں ۔لیفٹنٹ گورنرنے ناجائز دولت سے اپنے لئے عیش وآرام بہم رکھنے والوں کی تنقید کرتے ہوئے کہاکہ ایسے لوگ VIPنہیں ہوسکتے ہیںبلکہ اصلVIPتو عام لوگ ہیں۔انہوںنے کہاکہ یہاں VIPکلچر کوفروغ دیاگیا ہے لیکن ہمارے جموں وکشمیر کے ہر ضلع اور ہرعلاقے کاہرشہری VIPہے ،اور ہم اس معاملے میںکوئی امتیازنہیں کرتے ہیں ۔اس موقعہ پر لیفٹنٹ گورنر کے ہمراہ اے چیف سیکرٹری ڈاکٹر ارون کمار مہتا، ڈی جی پی کشمیر وجے کمار ،صوبائی کمشنر کشمیر وجے کمار بیدھوری ،ڈپٹی کمشنر بارہمولہ ڈاکٹر سید سحرش اصغر ،صدر میونسپل کونسل سوپور مسرت رسول کار اور چیئرپرسن ڈی ڈی سی بارہمولہ سفینہ بیگ بھی تھیں۔ڈاک بنگلہ سوپورمیں منعقدہ اس تقریب کااہتمام میونسپل کونسل سوپورنے کیا تھا جبکہ صدر میونسپل کونسل سوپور مسرت رسول کار نے تقریب میں بطور میزبان کے فرائض انجام دئیے