جموں و کشمیر میں ماضی کی حکومتوں کے بدعنوانی کے طریقوں کو جڑ سے اکھاڑ دیا گیا ہے: لیفٹیننٹ گورنر

سری نگر11 ستمبر جموں کشمیر میں رشوت خوری نظام کے بنیادی ڈھانچے کو تباہ کرکے ملوثین کے خلاف قانون کے مطابق سخت کاروائی کے اقدامات کے بیچ جموں کشمیر کے لیفٹیننٹ گورنر منوج سنہا نے پیر کے روز کہا کہ جموں و کشمیر کی موجودہ حکومت نے سابقہ حکومتوں کے ذریعے قائم اور پروان چڑھنے والی بدعنوانی کی روایت کو جڑ سے اکھاڑ کر پھینک دیا ہے جبکہ بدعنوانی میں ملوث افراد کو بخشا نہیں جائے گا اور ان کے خلاف سخت کارروائی عمل میں لائی جائے گی۔کشمیر نیوز سروس (کے این ایس) کے مطابق کہ جموں و کشمیر کے لیفٹیننٹ گورنر منوج سنہا نے پیر کو زور دے کر کہا کہ خطے نے پچھلے75 سالوں کے مقابلے پچھلے 3 سالوں میں مثبت تبدیلی کا تجربہ کیا ہے۔کنونشن سینٹر سری نگر میں JAKFAS جریدے کے افتتاحی ایڈیشن کے اجراءکے موقع پر خطاب کرتے ہوئے سنہا نے کہا کہ جموں و کشمیر میں عام آدمی کو بااختیار بنانے کے لیے بدعنوانی کو جڑ سے اکھاڑ پھینکا گیا۔بدعنوانی کی بنیاد پر چلنے والے نظام کو منہدم کر دیا گیا۔ اب عام آدمی نظام میں شفافیت کے ساتھ بااختیار محسوس کرتا ہے۔ جموں و کشمیر کو لوٹنے والوں کا احتساب ہوا۔ جے اینڈ کے بینک، جو اب تاریخ لکھ رہا ہے، کو بھی پچھلی حکومتوں کے دوران نقصان اٹھانا پڑا تھامنوج سنہا نے کہا کہ جموں و کشمیر میں عام آدمی کو بااختیار بنانے کے لئے بدعنوانی کو جڑ سے اکھاڑ دیا گیا ہے اورجموں و کشمیر کی پچھلی حکومتوں نے بڑے پیمانے پر جس بدعنوان طرز عمل کو بلا روک ٹوک قائم کیا تھا اور بدعنواںی نظام کی مکمل پرورش کی تھی تاہم جموں و کشمیر کے موجودہ نظام نے اس لعنت کو جڑ سے اکھاڑ کر پھینک دیا ہے۔کے این ایس نمائندے کے مطابق کہ ان باتوں کا اظہار جموں کشمیر کے لیفٹیننٹ گورنر منوج سنہا نے "کے آئی سی سی” سرینگر میں ایک تقریب سے خطاب کرتے ہوئے کیا۔ ایل جی سنہا نے کہا کہ”بدعنوانی کی بنیاد پر کام کرنے والے نظام کو منہدم کر دیا گیا ہے اور اب عام آدمی اس نظام میں شفافیت کے ساتھ خود کو بااختیار محسوس کررہا ہے جبکہ جموں و کشمیر کو لوٹنے والوں کو نہ صرف جوابدہ بنا دیا گیا ہے بلکہ انکے خلاف کاروائیاں بھی ہورہی ہے۔ایل جی سنہا نے مزید کہاکہ "جے اینڈ کے بینک کی کارکردگی اب اطمینان بخش ہے اور جموں کشمیر بینک ترقی کی بلندیوں کو چھو رہا ہے تاہم انہوں نے کہا کہ یہ بات انتہائی افسوس کے ساتھ کہنا پڑرہی ہے کہ پچھلی حکومتوں کے دوران مزکورہ ادارے کو بہت نقصان اٹھانا پڑا۔ایل جی سنہا نے یہ بھی کہا کہ جموں و کشمیر میں انتخابات مناسب وقت پر ہوں گے اور”مرکزی وزیر داخلہ امیت شاہ نے پارلیمنٹ کے فلور پر کہا تھا کہ جموں و کشمیر میں انتخابات ہوں گے جس کا فیصلہ الیکشن کمیشن آف انڈیا کرے گا اور ساتھ ہی میں انہوں نے کہا کہ جموں و کشمیر انتظامیہ کو یقین ہے کہ 80فیصد لوگ ووٹ ڈالے گے۔منوج سنہا نے مزید کہا کہ جب تک نریندر مودی وزیراعظم ہیں تب تک بدعنوانی میں ملوث افراد کو بخشا نہیں جائے گا اور ان لوگوں کو قانون کی گرفت میں لایا جائے گا۔