سری نگر22ستمبر جموں و کشمیر پولیس پبلک اسکول سری نگر میں’ ایل پی ڈی“ ونگ نے پہلا سالانہ اسپورٹس ڈے کا بڑے جوش و خروش کے ساتھ انعقاد کیا۔جس میں سکولی بچوں کی ایک بڑی تعداد نے شرکت کی ہے جبکہ ڈی آئی جی پی وسطی کشمیر سوجیت کمار سنگھ(آئی پی ایس) اور انتظامی افسر جے کے پی پی ایس سری نگر نے اس تقریب میں بطور مہمان خصوصی شرکت کی۔ اس دوران محمد اسلم چودھری(جے کے پی ایس) ایس ایس پی نوڈل آفیسر مہمان خصوصی تھے۔ اس موقع پر پرنسپل سنیگدھا سنگھ کے علاوہ ایس ایس پی سجاد خالق بٹ، ہیڈ مسٹریس شبیرا شبنم، ڈی وائی ایس پی ایس ڈی پی او ویسٹ سری نگر شاہجہان اور ایس ایچ او بیمینہ موجود تھے۔تقریب کا آغاز قومی ترانے سے ہوا اور ترنگا ہوا کے غباروں کے ساتھ کھولا گیا۔ نرسری سے چوتھی جماعت تک کے طلباءنے مختلف کھیلوں میں حصہ لیا۔ اس موقع پر اظہار خیال کرتے ہوئے، ڈی آئی جی سنٹرل کشمیر سوجیت کمار نے ان کوششوں کی تعریف کی اور طلبہ کی اچھی جسمانی صحت کے لیے مستقبل میں اس قسم کے مزید پروگراموں پر زور دیا۔ تقریب کا اختتام تمام مقابلوں کے جیتنے والوں میں انعامات تقسیم کے ساتھ ہوا۔……