اخلاص ويلفيئر سوسائٹی ترال کشمیر کے زیر اہتمام آج ایک سی-پی ۔آر ورکشاپ کا انعقاد کیا گیا ، جس میں حرکت قلب اور سانس بند ہونے کے وجوہات اور علامات پر تفصیل سے جانکاری دی گئی۔ خیال رہے یہ ورکشاپ سب ڈسٹرکٹ ترال کے کیمسٹ اور تقسیم کار یونین کی موجودگی میں کیا گیا- اس موقعے پر سبھی ناظرین نے پروگرام میں شرکت کر کے دلچسپی کا مظاہرہ کیا ۔ مشہور معالج وقلم کار ڈاکٹر نثار احمد بٹ ترالی نے ایک ماڈل کے ذریے CPR کی پوری جانکاری پیش کی ۔ میڈیا سے بات کرتے ہوئے ڈاکٹر نثار احمد ترالی نے کہا کہ ہسپتالوں سے باہر جو کچھ اموات واقع ہوتے ہیں، ان میں سے بیشتر کو ٹالا جا سکتا ہے، بشرطیکہ ہوش میں لانے کی جدید تکنیک کو بر وقت استعمال میں لایا جائے ۔ انہوں نے کہا کہ اسی لئے ہسپتال پہنچنے سے پہلے ہی ۔ پی ۔آر انتہائی ضروری ہے، تاکہ انسانی جانوں کو وقت پر بچایا جاسکتا ہے۔
