سری نگر/23نومبر2023ئ
صوبائی کمشنر کشمیر وِجے کمار بدھوری نے آج یہاں ایک میٹنگ طلب کی جس میں صوبہ کشمیر کے سرحدی اَضلاع میں ایل او سی کے ساتھ باڑ کے ساتھ بستیوں میں رہنے والے لوگوں کو بنیادی سہولیات اور خدمات کی دستیابی کا جائزہ لیا۔میٹنگ میں بارہمولہ، کپواڑہ اور بانڈی پورہ کے ضلع ترقیاتی کمشنروں کے علاوہ پی ایم جی ایس وائی، صحت، تعلیم، پی ڈی ڈی اور پی ایچ ای کے ضلع افسران کے علاوہ بیکن افسران نے شرکت کی۔
صوبائی کمشنر کشمیر نے میٹنگ سے خطاب کرتے ہوئے فسران کو ہدایت دی کہ وہ سرحدی دیہاتوں کو تعلیمی اداروں اور صحت اِداروںکے علاوہ سڑکوں، بجلی، موبائل کنکٹویٹی اور اِنٹرنیٹ خدمات جیسی تمام بنیادی سہولیات کی فراہمی کو یقینی بنائیں تاکہ یہ علاقے ترقیاتی محاذ پر پیچھے نہ رہ جائیں۔اُنہوں نے متعلقہ پی ایچ ای افسران کوہدایت دی کہ وہ باڑ والے علاقوں کے رہائشیوں کو پینے کا صاف پانی فراہم کرنے کے لئے جل جیون مشن سکیموں کے ذریعے ہر گھر کو جوڑیں۔وِجے کمار بدھوری نے کہا کہ سرحدی دیہاتوں کو آخری بستی نہیں سمجھا جانا چاہئے لیکن یہ ہماری پہلی ترجیح ہیں اور انہیں پہلا گاو¿ں سمجھا جاتا ہے۔
صوبائی کمشنر کشمیرنے افسران پر زور دیا کہ وہ ترقیاتی ضروریات کو پورا کرنے کے لئے ان دیہاتوں کا باقاعدگی سے فیلڈدورہ کریں تاکہ ان علاقوں کے رہائشیوں کو مشکلات کا سامنا نہ کرنا پڑے۔
اِس موقعہ پرضلع ترقیاتی کمشنرں نے میٹنگ کو اس زون میں آنے والے اَپنے متعلقہ اضلاع کے دیہات کی تعداد اور وہاں کے لوگوں کو دستیاب بنیادی سہولیات کے موجودہ منظر نامے سے آگاہ کیا۔
صوبائی کمشنر کشمیر نے باڑ لگانے کی لائن سے پہلے تمام ترقیاتی کاموں کو انجام دینے کے لئے سربراہان کو ہدایت دی کہ وہ سیکورٹی ایجنسیوں کے ساتھ قریبی ہم آہنگی کے ساتھ کام کریں
