سری نگر23 نومبر ,منشیات فروشوں کے خلاف اپنی کارروائی جاری رکھتے ہوئے، ہندواڑہ میں پولیس نے ایک بدنام زمانہ منشیات فروش فیاض احمد ملّا ولد غلام محی الدےن ملا ساکن مقام ہموان پورہ کرالہ گنڈ کی 07 مرلے زمےن ضبط کی۔ےہ کاروائی این ڈی پی ایس ایکٹ 1985 کی دفعہ 68-ایف کے تحت عمل مےں لائی گئی ۔کشمیر نیوز سروس ( کے این ایس ) کے مطابق درج رہےکہ پولیس ہندواڑہ کے ذریعہ کی گئی تحقیقات کے دوران جائیداد کی شناخت غیر قانونی طور پر حاصل کی گئی جائیداد کے طور پر ہوئی۔ یہ جائیداد پہلی نظر میں مالک کی جانب سے منشیات اور سائیکو ٹراپک مادوں کی غیر قانونی اسمگلنگ سے حاصل کی گئی تھی۔ واضح طور پر مذکورہ منشیات فروش پی ایس کرالگنڈ کے کیس ایف آئی آر نمبر 67/2020 اور 73/2022 میں ملوث ہے۔بدنام زمانہ منشیات فروش فی الحال PIT-NDPS ایکٹ کے تحت حراست میں ہے اور سنٹرل جیل کوٹ بلوال جموں میں بند ہے۔یہ کارروائی منشیات کی لعنت سے نمٹنے کے لیے پولیس کے عزم کا اعادہ کرتی ہے۔ علاقہ کے مقامی لوگوں نے غیر منقولہ املاک کو ضبط کرنے کے سلسلے میں پولیس کے اقدام کی ستائش کی ہے۔