سری نگ4 دسمبر ہماچل پردیش کے شیما ضلع میں پیر کی صبح ایک سڑک حادثے میں جنوبی کشمیر کے کولگام ضلع کے کم از کم چھ مزدوروں کی موت ہو گئی، اور اتنے ہی زخمی ہو گئے۔اس دوران زخمیوں کو علاج معالجہ کے لئے نذدیکی ہسپتال میں منتقل کیا گیا ہے ۔کشمیر نیوز سروس ( کے این ایس )کے مطابق شملہ کے سپرنٹنڈنٹ آف پولیس سنجیو کمار گاندھی نے بتایا کہ کرار گھاٹ میں ایک ٹرک، جس میں وہ سفر کر رہے تھے، کھائی میں گرنے سے چھ افراد کی موت ہو گئی۔انہوں نے بتایا کہ تین افراد کی موقع پر ہی موت ہوگئی جبکہ دیگر نے اسپتال میں دم توڑ دیا۔ انہوں نے کہا، "6 دیگر زخمی بھی ہیں جو فی الحال اندرا گاندھی میڈیکل کالج ہسپتال (IGMCH) میں زیر علاج ہیں۔”انہوں نے مرنے والوں کی شناخت فرید (24)، گلاب (43)، شبیر (19)، طالب (23)، گلزار (30) اور مشتاق (30) کے طور پر کی گئی ہے جو تمام کلگام کے رہنے والے ہیں۔زخمیوں کی شناخت گاڑی کے ڈرائیور رنجیت، اسلم، طالب حسین، آکاش کمار، اجے ٹھاکر اور منظور کے طور پر ہوئی ہے۔
