شالین کابرا نے نوشہرہ میں عوامی دربار کی صدارت کی

راجوری / 09جنوری2024ئ
ایڈیشنل چیف سیکرٹری جل شکتی شالین کابرا نے عوامی بہبود کے عزم کے ایک شاندار مظاہرہ میں ضلع ترقیاتی کمشنر راجوری اوم پرکاش بھگت کے ساتھ آج راجوری ضلع کے سرحدی بلاک نوشہرہ میں ایک عوامی دربار کی صدارت کی۔
اس تقریب نے حکومت اور عوام کے درمیان براہ ِراست بات چیت کے لئے ایک اہم پلیٹ فارم کے طور پر کام کیا جس میں متعدد اہم مسائل کا اَزالہ کیا گیا۔ اس سیشن کے دوران بہت سے اہم مسائل کو سامنے لایا گیا۔
اِس موقعہ پر پنچایت لنگہار میں پانی کی قلت، آر ڈی ایس ایس سکیم پر تیزی سے عمل آوری، پی ایچ سی لنگر میں ایمبولینس کی سہولیت کا فقدان،ایچ ایس لنگر کی اَپ گریڈیشن ،سرکاری اِداروں میں عملے کی کمی ،منریگا کے تحت مواد کی ادائیگی کی ذمہ داری، ایس ڈی ایچ نوشہرہ میں عملے کی کمی ، نوشہرہ ٹنل کے جنوبی پورٹل سے رابطہ وغیرہ جیسے مسائل پیش کئے گئے ۔