ساگر فردوس
سوپور//گورنمنٹ ہائر سیکنڈری اسکول(GHSS) زالورہ نے بدھکے روز ادارے کا سالانہ میگزین جوہر حیات جاری کیا ہے اس سلسلے میں یہاں ایک تقریب منعقد ہوئی جس میںسینئر سائنٹسٹ سکاسٹ کشمیر پروفیسر ڈاکٹر نزیر احمد بٹ نے بطور مہمان خصوصی شرکت کی ہے ۔نمائندے کے مطابق تقریب میں پرنسپل جی ایچ ایس ایس بومی مع اضافی چارج جی ایچ ایس ایس زالورہ،نائب پرنسپل،زونل ایجوکیشن آفیسر ڈانگرپورہ محمداکبروانی،دیگرافسران، عملے کے ساتھ ساتھ مقامی ذی شعور شخصیات اور طلباءموجود رہے۔اسکول میگزین "جواہر حیات” اپنی نوعیت کا پہلا رسالہ ہے۔یہ اسکول کے قیام کے بعد سے جاری ہونے والا پہلا رسالہ ہے اور اس میں مختلف ہم نصابی سرگرمیوں کے بارے میں معلومات اور پچھلے سبکدوش سٹاف اور طلباءکے مختلف کارناموں کے بارے میں بھی روشنی ڈالی گئی ہے تاکہ آنے والے طلباءکو انسٹی ٹیوٹ کے کام کاج کو ٹھیک طرح سے سمجھا جاسکے۔میگزین میں چمکدار صفحات ہیں جن میں اسکول کی کامیابیوں کے علاوہ ادارے اور طلباءکی طرف سے پیش کردہ مضامین بھی شامل ہیں۔ اس کے سرورق پرکشش ہے جس میں ڈائرکٹر اسکول ایجوکیشن کشمیر تصدق حسین کا گہرا پیغام ہے جبکہ چیف ایجوکیشن آفیسر بارہمولہ بلبیر سنگھ رانا نے میں سربراہ کی حیثیت سے ہمیشہ یہ خواب دیکھتا ہوں کہ ہمارے گورنمنٹ سکولز بہترین بنیں اور ہماری کلیوں کو معیاری تعلیم فراہم کرنے میں مصروف رہیں اور انہیں زندگی کے تمام شعبوں میں معاشرے میں آنے والے چیلنجوں کے لیے تیار کریں۔اس موقع پر پرنسپل عبدل احد گوجری نے طلباءکے لیے سالانہ اسکول میگزین کی اہمیت پر روشنی ڈالی کیونکہ یہ ان کی ادبی اور جمالیاتی صلاحیتوں کو اجاگر کرنے کے لیے ایک پلیٹ فارم فراہم کرتا ہے۔ اس موقع پر موجود دیگر افراد میں سینئر سائنٹسٹ سکاسٹ کشمیر، زونل ایجوکیشن آفیسر ڈانگرپورہ و دیگر معززین نے اس خیال کو سراہا اور پرنسپل اور سکول کی فیکلٹی کو ایک اختراعی اقدام پر مبارکباد دی۔انہوں نےاسکول کے پہلا رسالہ جاری کرنے پر اسکول انتظامیہ کی کوششوں کی تعریف کی اور مبارکباد پیش کی اور اس کام کی سراہنا کی۔