سرینگر مارچ وزیر اعظم نرندر مودی کے دورہ سرینگر کے پیش نظر شہر سرینگر اور آس پاس کے علاقوں میں سیکورٹی کے سخت انتظامات کئے گئے جبکہ وادی کے باقی علاقوں میں بھی سیکورٹی الرٹ کیا گیا ہے جس دوران یہاں مسافروں سے تلاشی لی جا رہی تھے جبکہ یہاں سراغ رساں کتوںمدد بھی لی گئی ہے۔شہر کو جگہ جگہ جھنڈوں سے سجایا گیا ہے بتایا جاتا ہے سرینگر میں کم بیش10ہزار جھنڈوں سے سجایا گیا ہے جبکہ سینکڑوں کی تعداد میں ہوڈنگ لگائی گئی ہے ۔ بھارتیہ جنتا پارٹی کا کہنا ہے کہ اس ریلی میں 2لاکھ سے زائد لوگوں کی شرکت متوقع ہے جس کے لئے تمام انتظامات مکمل کئے گئے ہیں ۔ کشمیر نیوز سروس ( کے این ایس ) کے مطابق وزیر اعظم نرندر مودی 7مارچ کو دفعہ370کی تسنیخ کے بعد پہلی بار وادی کشمیر کا دورہ کریں گے اورسرینگر کے بخشی اسٹیڈیم میں ایک بھاری عوامی ریلی سے خطاب کریں گے ۔ اس دوران جہاں انتظامیہ کی جانب سے سیکورٹی اور باقی انتظامات مکمل کئے گئے ہیں وہی دوسری جانب سیکورٹی کے اعتبار سے تمام انتظامات کو منگل کے روز حتمی شکل دی گئی ہے ۔ دورے کے پیش نظر یہاں سیکورٹی کے سخت انتظامات کئے گئے ہیں جبکہ وادی کشمیر کے باقی علاقوں میںسیکورٹی کو الرٹ پر رکھا گیا ہے جبکہسری نگر کی سبھی اہم شاہراوں پر موبائیل چیک پوائنٹس قائم کئے گئے جہاں پر راہگیروں اور مسافروں کی باریک بینی سے تلاشی لی جارہی ہیں جبکہ مشکوک نظر آنے والے افراد کے موبائیل فون بھی چیک کئے جارہے ہیں۔شہر کے مختلف علاقوں میں سراغ رساں کتوں کی مدد سے تلاشی لی جارہی ہیں۔بخشی اسٹیڈیم کو پوری طرح سے سیل کیا گیا جبکہ اسٹیڈیم کے اردگر دعلاقوں پر ڈرون کے ذریعے نظر گزر رکھی جارہی ہیں۔اطلاعات کے مطابق جموں وکشمیر کی گرمائی راجدھانی سری نگر میں منگل کے روز سیکورٹی فورسز نے راہگیروں، موٹر سائیکل سواروں کی تلاشی لی جس دوران ان کے شناختی کارڈ باریک بینی سے چیک کئے جارہے تھے۔کشمیرنیوز سروس کے نامہ نگار کے مطابق منگل کے روز شہر کے مختلف علاقوں میں ناکہ تلاشی کا سلسلہ تیز کیا گیا ہے جس دوران مسافروں کو باریک بینی سے تلاشی لی جا رہی تھی اور ان کے شناختی کارڑ چیک کئے جا رہے تھے اس دوران یہاں چھوٹی بڑے گاڑیوں کی بھی تلاشی لی جا رہی تھی۔شہر کے مختلف علاقوں میں نصب سی سی ٹی وی کیمروں کے ذریعے مشکوک افراد پر نظر رکھی جا رہی ہے۔نمائندے کے مطابق سرینگر میں حساس علاقوں کے ساتھ ساتھریلی کے مقام کے آس پاس مزید فورسز کی نفری کا تعینات کیا گیا ہے پولیس کے ایک عہدیدار نے خبر رساں ایجنسی کو بتایا کہ دورے کے پیش نظر شہر میں سیکورٹی کے پختہ انتظامات کئے گئے ہیں۔ان کے مطابق شہر میں جگہ جگہ خصوصی چیکنگ پوائنٹس قائم کئے گئے ہیں جہاں پر ہر آنے جانے والے کی باریک بینی سے تلاشی لی جارہی ہیں۔انہوں نے مزید بتایاکہ شہر کے داخلی اور خارجی راستوں پر سیکورٹی فورسز کی تعیناتی عمل میں لائی گئی اور کسی بھی گاڑی کو بغیر تلاشی کے سری نگر کے حدود میں جانے کی اجازت نہیں دی جارہی ہیں۔ادھر وادی کشمیر کے باقی علاقوں میں جس میں خاص کر جنوبی کشمیر کے مختلف علاقے شامل ہیں فورسز کو الرٹ پر رکھا گیا ہے جہاں صبح سویرے سے گاڑیوں کی تلاشی لی جا رہی تھی جبکہ مسافروں کے شناختی کارڑ بھی چیک کئے جا رہے تھے ۔ادھر مختلف لوگوں کووزیر عظم کے دورے کے دوران مختلف اعلانات کی امید ہے ۔
