سرینگر//کشمیر کے پہاڑی علاقوں کے ساتھ ساتھ بیشتر میدانی علاقوں میں بدھ اور پیر کی درمیانی رات کے دوران برف باری کا سلسلہ شروع ہوا جو جمعرات کو بھی جاری رہا ہے ۔اس دوران تازہ برف باری کے باجود سردی میں کوئی کمی درج نہیں ہوئی ہے ۔تازہ برف باری کے نتیجے میں حکام نے مغل روڑ،سونہ مرگ کرگل اور سنتھن سڑکیں گاڑیوں کی آمد رفت کے لئے بند کر دیا ہے ۔کشمیر نیوز سروس ( کے این ایس ) کے مطابق وادی کشمیر کے پہاڑی و میدانی علاقوں میں بدھ اورجمعرات کی درمیانی رات کو کشمیر کے بیشتر پہاڑی علاقوں کے علاوہ میدانی علاقوں میں اچھی خاصی برف باری ہوئی ہے جس کے نتیجے میں لوگوں اور سیاحوں کے چہرے خوشی سے کھل اٹھے ہیں ۔محکمہ موسمیات کے ذرائع نے بتایا سونہ مرگ میں10اینچ،زوجیلا پاس پر12اینچ،سنتھن اور سادھنا ٹاپ، پر14اینچ برف ریکارڑ ہوئی ہے۔ پہاڑی ضلع شوپیان،کپوراہ ،باںدی پورہ،بارہمولہ،کولگام،ٹنگمرگ،پٹن،سوپور،وغرہ مقامات پر 2اینچ سے8ایینچ کے آس پاس برف باری ہوئی ہے ۔اس دوران جنوبی کشمیر کے اکثر میدانی علاقوں میں نہ ہی برف باری اور نا ہی بارشیں ہوئی ہے تاہم یہاں کے مختلف علاقوں کے نذدیکی پہاڑوں پر برف کی پرت کو دیکھا گیا ہے ۔وادی میں تازہ برف باری کے ساتھ ہی جاری سردی کی شدت میں اور زیادہ اضافہ ہوا ہے ۔اس دوران اگر چہ تازہ برف باری کی وجہ سے لوگوں اور سیاحوں نے خوشی کا اظہار کیا ہے تاہم مغل روڑ،سونہ مرگ کرگل اور سنتھن سڑکیں گاڑیوں کی آمد رفت کے لئے بند کر دیا گیا ۔وادی کشمیر میںجاری خشک موسم کی وجہ سے یہاںزبردست خشک سالی پیدا ہوئی جس کے نتیجے میں یہاں مختلف علاقوں میں پینے کے پانی کی قلت پیدا ہوئی ہے۔ وادی کے مختلف علاقوں سے ملنے والی اطلاعات کے مطابق یہاں جنگلات میں مسلسل خشک موسم کے باعث آگ رونما ہوئی ہے ۔آگ کی ان وارداتوں کی وجہ سے جنگلات میں بڑے پیمانے پر تباہی ہوئی ہے۔
