جموں/22دسمبر2024ئوزیر اعلیٰ عمر عبداللہ نے وادی¿ کشمیر میں سردی کی شدید لہر کے پیش نظر آج اعلان کیا کہ وہ محکمہ بجلی اور دیگر اہم خدمات کے کام کاج کی ذاتی طور پر نگرانی کے لئے اگلے ہفتے سری نگرمیں قیام کریں گے۔ اُنہوں نے راجستھان کے جیسلمیر میں قبل از بجٹ اور جی ایس ٹی کونسل کے میٹنگوں میں شرکت کی ، اَپنے فیصلے کئی ٹویٹس سے آگاہ کیااور وادی کے لوگوں کو شدید سردی کے درپیش چیلنجوں سے نمٹنے کے لئے ترجیحی بنیادوں پر اَقدامات کے عزم کا اِظہار کیا۔وادی¿ کشمیر اِس وقت حالیہ برسوں میں شدیدترین سردیوں کا سامنا کر رہی ہے جہاں درجہ حرارت ریکارڈ سطح تک گر گیا ہے۔ سری نگر میں حال ہی میں درجہ حرارت منفی 8.5 ڈِگری سیلسیس یکارڈ کیا گیا جوکہ گزشتہ 50 برسوں میں دسمبر کی سرد ترین رات تھی۔شدید سردی کی وجہ سے پانی کی فراہمی اور بجلی بُری طرح متاثر ہوئی ہے جس سے رہائشیوں کی مشکلات میں مزید اِضافہ ہوا ہے۔وزیر اعلیٰ نے اَپنے ٹویٹس میں کہا،” میں نے وادی¿ کشمیر میں شدید سردی اور اِس کے نتیجے میں پانی اور بجلی کی فراہمی میں درپیش مشکلات کے پیش نظر محکمہ بجلی اور دیگر اہم محکموں کے کام کاج کی ذاتی طور پر سری نگر میں ایک ہفتہ تک نگرانی کروں گا اورجموں میں اَپنے آنے والے پروگراموں کو اگلے ہفتے کے لئے منسوخ کرنے کا فیصلہ کیا ہے۔“اُنہوں نے جموں میں طے شدہ مصروفیات پر اَپنے فیصلے کے اثرات کو تسلیم کرتے ہوئے مزید کہا،”میں اس بات کا اعتراف کرتا ہوں کہ جموں میں میرے پروگراموں کو منسوخ کرنے سے منتظمین کو کچھ تکلیف ہوگی اور مجھے اِس پر افسوس ہے۔ تاہم حالات میں یہ کرنا صحیح ہے اور میں ان لوگوںاورتنظیموں تک پہنچاو¿ں گا جن کے پروگرام متاثر ہوئے ہیں۔“وزیراعلیٰ نے یہ بھی بتایا کہ وہ جیسلمیر سے راستے میں ہیں اور کل صبح تک سری نگر پہنچ جائیں گے۔
