کہامہنگے داموں کتابیں فروخت کرنے والے نجی اسکولوں کےخلاف کارروائی کیلئے والدین تعاون دیں
سری نگر:۲، جنوری: : وزیرتعلیم سکینہ مسعود ایتونے جمعرات کو کہا کہ اسکولوں میں تعلیمی سیشن میں تبدیلی کی وجہ سے نصابی کتب کی دستیابی میں تاخیر ہوئی ہے۔ساتھ ہی انہوںنے مہنگے داموں کتابیں فروخت کرنے والے پرائیویٹ اسکولوں کےخلاف کارروائی کااعلان کرتے ہوئے کہاکہ طلباءاورطالبات کے والدین کو کتابوں کی اونچی قیمت والے اسکولوں کی جانکاری حکام کو دینی چاہئے ۔ وزیر تعلیم سکینہ ایتونے ایک سوال کے جواب میں واضح کیاکہ باہر سے کسی کو چیئرپرسنJKBOSE نہیں بنایا جا رہاہے۔جے کے این ایس کے مطابق سری نگر میں میڈیا سے بات چیت کے دوران میڈیا کے نمائندوں سے بات کرتے ہوئے وزیر تعلیم سکینہ مسعود ایتو نے یقین دلایا کہ جموں وکشمیر بورڈ آف اسکول ایجوکیشن (JKBOSE) کی نصابی کتابیں جنوری کے آخر تک دستیاب کر دی جائیں گی۔انہوںنے کہاکہ نصابی کتب کی دستیابی میں تاخیر ہوئی ہے کیونکہ تعلیمی سیشن مارچ سے نومبر تک تبدیل کر دیا گیا تھا۔ لیکن ہم نے اس مسئلے کا نوٹس لیا ہے اور نصابی کتب اس ماہ کے آخر تک دستیاب کر دی جائیں گی۔وزیر تعلیم نے کہاکہ مہنگے داموں کتابیں فروخت کرنے والے پرائیویٹ سکولوں کے خلاف کارروائی کی جائے گی۔ وزیر تعلیم سکینہ ایتو نے جمعرات کومیڈیا نمائندوں سے بات کرتے ہوئے اسبات کا یقین دلایا کہ زائد نرخوں پر کتابیں فروخت کرنے والے نجی اسکولوں کے خلاف سخت کارروائی کی جائے گی۔ایس کے آئی سی سی میں میڈیا کے ساتھ بات چیت کے دوران وزیرتعلیم سکینہ مسعود ایتو نے والدین سے پرزوردیاکہ وہ ان اسکولوں کے ناموں کے ساتھ آگے آئیں جو نصابی کتب کی غیر منصفانہ قیمتیں وصول کررہے ہیں۔وزیرتعلیم نے والدین کی حوصلہ افزائی کی کہ وہ اسکولوں کے اعلیٰ نرخوں پر کتابیں فروخت کرنے کے واقعات کی اطلاع دیں۔ انہوں نے طلباءاورطالبات کے والدین پر زور دیا کہ وہ اسکولوں کے نام اور مقامات شامل کریں۔انہوںنے پھرکہاکہ والدین کو چاہیے کہ وہ ہمیں ان اسکولوں کے نام ان کے مقامات کے ساتھ بھیجیں تاکہ ہم مناسب کارروائی کر سکیں۔ایس کے آئی سی سی میں وزیراعلیٰ کی پریس کانفرنس کے دوران ایک سوال کے جواب میں وزیر تعلیم سکینہ ایتونے واضح کیاکہ باہر سے کسی کو چیئرپرسنJKBOSE نہیں بنایا جا رہاہے۔انہوںنے کہاکہ، سرچ کمیٹی بنائی ہے، انہیں نیا چیئرپرسن بورڈ تلاشکرنے دیں۔وزیرتعلیم نے کہاکہ اس فیلڈ میں ماہر کا انتخاب بطور چیئرپرسن کیا جائے گا۔
