سرینگر//جموں و کشمیر بی جے پی کے ترجمان سنیل سیٹھی نے پیر کو کہا کہ بلورسے تعلق رکھنے والے شہری کی موت کے بارے میں حقائق سے پردہ اٹھانے کے لیے تفصیلی انکوائری کی جائے گی جس نے مبینہ حراستی تشدد کے بعد خودکشی کر لی تھی۔سیٹھی نے کہا کہ پارٹی اس معاملے میں انصاف اور شفافیت کو یقینی بنانے کے لیے پرعزم ہے۔کشمیرنیوز سروس ( کے این ایس ) کے مطابق اس واقعے نے ان الزامات کے سامنے آنے کے بعد خاصی توجہ حاصل کی ہے کہ موت سے قبل دین کو پولیس تشدد اور ہراساں کیا گیا تھا۔حکام نے ان کی موت کا سبب بننے والے حالات کا پتہ لگانے کے لیے الگ الگ تحقیقات شروع کر دی ہیں۔پولیس نے کہا ہے کہ کٹھوعہ ضلع کے بلاور کے رہنے والے مکھن دین نے گزشتہ سال فوج کے قافلے پر حملے سے متعلق ایک معاملے میں پوچھ گچھ کے بعد خودکشی کر لی جس کے نتیجے میں چار فوجی ہلاک ہو گئے تھے۔اس واقعے نے بڑے پیمانے پر غم و غصے کو جنم دیا ہے، سیاسی رہنماو¿ں نے اس کی مکمل اور غیر جانبدارانہ تحقیقات کا مطالبہ کیا ہے۔
