سری نگر/03جولائی2025ئ وزیر اعلیٰ عمر عبداللہ نے آج سکمز صورہ ہسپتال کا دورہ کیا تاکہ پی ڈِی پی صدر اور سابق وزیر اعلیٰ محبوبہ مفتی کی والدہ کی علالت کے بارے میں معلومات حاصل کر سکیں۔وزیر اعلیٰ نے ہسپتال میں محبوبہ مفتی کی والدہ کی صحت کے بارے میں دریافت کیا اور ان کی جلد صحتیابی و شفایابی کے لئے دُعا کی۔ اِس موقعہ پر اُنہوں نے اہل خانہ سے بھی ملاقات کی۔ وزیراعلیٰ کے مشیر ناصر اسلم وانی بھی اُن کے ہمراہ تھے۔ ڈائریکٹرسکمز ڈاکٹر اشرف گنائی اور میڈیکل سپراِنٹنڈنٹ ڈاکٹر فاروق جان نے وزیر اعلیٰ کو اُن کی صحت کے بارے میں بریف کیا وزیر اعلیٰ کو یقین دِلایا کہ مریضہ کو تمام ضروری علاج اور طبی سہولیات فراہم کی جا رہی ہیں۔
