سید اعجاز
کوکر ناگ//جنوبی کشمیر کے مشہور سیاحتی مقام کوکر ناگ میں جاری شدید گرمی اور گرمائی تعطیلات کے ساتھ ہی سیلانیوں کا باری رش دیکھنے میں آیا ہے جہاں صرف17جون سے یکم جولائی تک1,12,199 لوگوں کا باغ کا لطف اٹھایا ہے ۔ وادی کشمیر میں شدید گرمی اور تعلیمی اداروں میں گرمائی تعطیلات کے دوران اکثر لوگ آج کل گرمی سے بچنے کے لئے اکثر صحت افزا مقامات کا رخ بڑے پیمانے پر کر رہے ہیں تاہم جنوبی کشمیر میں کوکر ناگ سب سے زیادہ سیلانی نظر آئے ۔نمائندے نے بدھ کے روز جنوبی کشمیر کے اکثر صحت افزا مقامات کا دورہ کیا ہے جس دوران یہ دیکھا گیا ہے کہ کوکر ناگ باغ میں تل دھرنے کی جگہ موجود نہیں تھی جبکہ سیلانیوں میں زیادہ ترکشمیر کے مختلف علاقوں سے تعلق رکھنے والے لوگ ہی شامل تھے ۔سینکڑوں کنال اراضی پر موجود اس باغ میں درختوں کے سائے اور پانی کی نہروں کے دونوں اطراف لوگ خود کو گرمی سے بچانے کے لئے یہاں آئے تھے اور اس خوبصورتی سے لطف اندوز ہو رہے تھے ۔تھے جبکہ بچے اور نوجوان یہاں دن بھر پانی میں نہاتے نظر آئے ۔اس دوران کچھ لوگوں نے بتایا کہ پہلگام جانا آج کل مشکل ہوتاہے کیوں کہ علاقے میں یاتر اجاری ہے ۔ جس کی وجہ سے اکثر لوگوں نے ان دو ہی باغات کا رخ کیا ہے لوگوں کی بھیڑ اور بڑے پیمانے پر آوا جاہی کا اندازہ اس بات سے لگایا جا سکتا ہے کہ باگ کے ایک طرف زمین پر گھاس نظر نہیں آرہا ہے ۔اس دوران چیف ایگزیکٹو افسر کو کرناگ محمدروﺅف رحمان نے بتایا کہ انہوں نے یہاں14جون کو چارج سنبھالا جس کے ساتھ ہی17تاریخ کو کچھ باغات سیلانیوں نے لئے کھول دئے گئے ہیں ۔سی ای او نے مزید بتایا17جون سے یکم جولائی تک وز کے دوران ایک1,12,199 لوگوں نے باغ کا لطف اٹھایا ۔انہوں نے کہا یہاں علاقے میں 80کلو میٹر دائرے میں متعدد سیاحتی مقامات ہے جہاں اب زیادہ لوگ آتے ہیں انہوں نے بتایا کہ ہماری کوشش ہے کہ یہاں زیادہ سے زیادہ لوگ آئے ۔انہوں نے بتایا لوگوں کا رش دیکھ باغ کو 5بجے کے بجائے شام7بجے تک کھولا رکھا جا رہے ۔ روئف رحمان نے بتایا علاقے میں صفائی ستھرائی ،بہتر سہولیات اور ٹریفک بنا ءکسی پریشانی سے چلنے کے لئے پہلے ہی اقدامات اٹھائے گئے ہیں ۔سیر پر آئے لوگوں نے باغ میں اور زیادہ سہولیات کا مطالبہ کیا ہے ۔ایک سیلانی نے بتایا کہ میرا دل خوش ہوا کہ کوکر ناگ میں اس قدر لوگ آرہے ہیں اور گیٹ پر صبح سے شام تک لاکھوں روپے کی ٹکٹ کاٹی جاتی ہے تاہم یہاں سہولیات میں اور زیادہ اضافہ کرنے کی ضرورت ہے جبکہ لوگوں مطالبہ کر رہے تھے بچوں کے لئے کوئی ٹکٹ کم سے کم نہیں ہونے چاہے تھے ۔
