سید اعجاز
ترال//جنوبی کشمیر کے سب ضلع ترال کے اہم شاہراﺅں پر موجود چناروں کی شاخیں بوسیدہ ہو کر اچانک گر جاتے ہیں جس کی وجہ سے یہاں کسی بھی وقت کوئی بڑا حادثہ ہو سکتا ہے ۔مقامی لوگوں نے بتایا ترال ستورہ روڑ پر دیور کے نذدیک،ترال ڈاڈسرہ روڑ کے علاوہ دیگر متعدد مقامات پر ان چناروں کی موٹی شاخیں سوکھ کر بوسیدہ ہو چکی ہے جس کی وجہ سے ان شاخوں کا ایک ایک حصہ اچانک گر جاتا ہے ۔کچھ مسافروں نے بتایا جب جب تیز ہوائیں چلتے ہیں تو یہاں انسان اپنی گاڑی کو روکتا ہے ۔ایک شہری نے بتایا چند سال پہلے کہلیل ترال میں اسی طرح سڑک پر موجود چنار کی شاخ ایک خاتون پر گر آنے سے اسکی موت واقع ہوئی اور تب سے متعدد بار انہوں نے ہر وقت یہ مطالبہ دہرایا کہ سوکھے شاخوں کوکاٹ دیا جائے تاکہ کوئی حادثہ رونما نہ ہو سکے ۔ڈاڈسرہ ترال میں گزشتہ سال ایک بڑا چنار کا درخت گرآیا جس نے اس وقت یہاں لوگوں کے املاک کو نقصان پہنچایا تھا ۔جبکہ چند روز پہلے بے گنڈ نذدیک چندری گام میں ایک بڑا چنار اسی طرح گر آیا ہے ۔عوامی حلقوں کا مطالبہ ہے کہ کم سے کم سڑکوں پر موجود چناروں کے ان سوکھے شاخوں کو تراشا جائے تاکہ کوئی حادثہ پیش نہ آئے ۔یہاں یہ بات قابل ذکر ہے کہ شہر سرینگر سمیت وادی کے دیگر مقامات پراس طرح کے سوکھے شاخیں برابر خطرہ بنے ہوئے ہیں
