سکینہ اِیتو نے چیئرپرسن جے کے بی او پی اِی اِی کے ساتھ جموںوکشمیر میں پیشہ ورانہ تعلیم کے مواقع کو مضبوط بنانے پر تبادلہ خیال کیا

سری نگر/26 ستمبر 2025ئ وزیربرائے صحت و طبی تعلیم، سماجی بہبود اور تعلیم سکینہ اِیتو نے آج جموں و کشمیر بورڈ آف پروفیشنل انٹرنس ایگزام ینیشن (جے کے بی او پی اِی اِی) کی چیئرپرسن پروفیسر مینو مہاجن سے ایک مختصرمیٹنگ منعقد کی جس میں جموں و کشمیر میں پیشہ ورانہ تعلیم کے مواقع کو وسعت دینے اور مضبوط بنانے کے مختلف پہلوو¿ں پر تبادلہ خیال کیا گیا۔
دورانِ بات چیت وزیر موصوفہ نے چیئرپرسن سے بورڈ کی کارکردگی اور اس سے متعلق مختلف امور پر تفصیلی معلومات حاصل کیں۔ اُنہوں نے کمپوزٹ ریجنل سینٹر (سی آر سی) سری نگرکے کام کاج کا بھی جائزہ لیا۔
وزیر تعلیم نے چیئرپرسن کو ہدایت دی کہ خصوصی بی ایڈ کورس میں مزید نشستوں کی گنجائش کا جائزہ لیا جائے کیوں کہ جموں و کشمیر میں چاہے وہ مرکزی دھارے کے ادارے ہوں یا خصوصی تعلیمی مراکزخصوصی بچوں کی تعلیم و تربیت کے لئے تربیت یافتہ اساتذہ کی بہت زیادہ ضرورت محسوس کی جا رہی ہے۔