جموں//سپیکر جموں و کشمیر قانون ساز اسمبلی عبدالرحیم راتھر نے آج قانون ساز اسمبلی کے بجٹ سیشن ۔2026 کے مو¿ثر اور احسن اِنعقاد کو یقینی بنانے کے لئے محکمہ اطلاعات و تعلقاتِ عامہ (ڈِی آئی پی آر) اور دیگر متعلقہ محکموں کی مربوط کوششوں کی ستائش کی۔سپیکر موصوف نے قانون ساز اسمبلی سیکرٹریٹ، پولیس، صحت، ٹرانسپورٹ، بجلی، مہمان نوازی وخاطر تواضح سمیت دیگر معاون محکموں کی خدمات کی بھی سراہنا کی۔ اُنہوں نے کہا کہ ان کی اِجتماعی کوششوںسے سیشن کے دوران نظم و ضبط، سیکورٹی اِنتظامات، لاجسٹک سپورٹ اور اراکین اسمبلی، اَفسران، میڈیا نمائندگان اور مہمانوں کے لئے بلا تعطل سہولیات کی فراہمی یقینی بنائی گئی۔یہ بات قابلِ ذکر ہے کہ ِڈی آئی پی آر نے جموں و کشمیر قانون ساز اسمبلی کمپلیکس میں ایک خصوصی پریس روم قائم کیا تھا جہاں میڈیا نمائندگان کی سہولیت، مناسب کوریج اور ایوان کی کارروائی کو بروقت میڈیا تک پہنچانے کے لئے مخصوص ٹیمیں تعینات تھیں۔ محکمہ نے پورے بجٹ سیشن ۔2026 کے دوران میڈیا کوآرڈی نیشن اور پبلک ایڈریس سسٹم(پی اے ایس) کو مو¿ثر انداز میں چلانے میں بھی اہم کردار اَدا کیا۔
