ضلع ہیڈ کوارٹروں میں میٹنگوں کی صدارت ،سیلاب زدہ علاقوں میں چوبیس گھنٹے نگرانی کی ہدایت
سری نگر/ وزیربرائے صحت و طبی تعلیم، سماجی بہبود اور تعلیم سکینہ اِیتو نے وزیر اعلیٰ عمر عبداللہ کی ہدایات پر آج جنوبی کشمیر کے مختلف اضلاع کا دورہ کیا اور مسلسل بارشوں کے بعدموجودہ صورتحال کا جائزہ لیا۔دورے کے دوران وزیر موصوفہ نے متعلقہ ضلع ہیڈکوارٹروں میں ضلع ترقیاتی کمشنروں اور مختلف محکموں کے سینئر اَفسران کے ساتھ الگ الگ جائزہ میٹنگوں کی صدارت کی تاکہ ناموافق موسمی حالات کے پیش نظر اِنتظامیہ کی تیاریوں اور ردِّعمل کے اَقدامات کاجائزہ لیا جاسکے۔
اُنہوںنے سیلاب سے نمٹنے کی تیاریوں، ایمرجنسی رسپانس میکانزم کا کام ، بنیادی سہولیات کی بحالی، صحت خدمات کی دستیابی، سڑکوں کی رابطہ کاری، بجلی و پانی کی فراہمی اور جہاں ضرورت ہو وہاں انخلا¿ اور اِمدادی انتظامات سمیت صورتحال جامع جائزہ لیا۔
