سری نگر26 نومبر ,سری نگر کے لال بازار علاقے میں اتوار کو گیس سلنڈر کے دھماکے کے نتیجے میں ایک 75 سالہ خاتون کی موت ہو گئی جبکہ خاندان کے تین دیگر افراد شدید زخمی ہو گئے۔اس دوران زخمیوں کو فوری طور ہسپتال منتقل کیا گیا ہے جہاں وہ زیر علاج ہے جبکہ پولیس نے بھی اس حوالے سے ایک کیس درج کر کے مزید تحقیقات شروع کی ہے ۔کشمیر نیوز سروس( کے این ایس) کے مطابق ذرائع نے بتایا کہ لال بازار کے علاقے میں ایک رہائشی مکان میں آگ لگ گئی جس کے دوران سلنڈر دھماکہ ہوا۔انہوں نے کہا کہ اس واقعے میں ایک خاتون، جس کی شناخت ختیجہ بیگم (75) کے نام سے ہوئی، کی موت ہو گئی جبکہ خاندان کے تین دیگر افراد زخمی ہو گئے۔ان کا کہنا تھا کہ زخمیوں کو علاج کے لیے اسپتال منتقل کردیا گیا ہے، جب کہ آگ پر بھی قابو پالیا گیا ہے۔
