سری نگر26 نومبر جموں و کشمیر پولیس نے اتوار کے روز کہا کہ انہوں نے کالعدم دہشت گرد تنظیم لشکر طیبہ سے منسلک تین دہشت گرد ساتھیوں کو گرفتار کیا ہے اور ان کے قبضے سے بارہمولہ ضلع میں اسلحہ، گولہ بارود اور دیگر اشتعال انگیز مواد برآمد کیا ہے۔کشمیر نیوز سروس(کے این ایس) کے مطابق 25نومبر کو جھولا فٹ پل کے قریب کلگئی میں 13 سکھلی، 185 بی این بی ایس ایف اور بارہمولہ پولیس کے ساتھ مشترکہ ناکہ چیکنگ اور گشت کے دوران، انہوں نے کمل کوٹ سے این ایچ ڈبلیو کی طرف بیگ اٹھائے ہوئے دو مشتبہ افراد کو روکا جن کی شناخت ضمیر احمد کھانڈے ولد عظیم کے طور پر کی گئی۔ اہلکار نے بتایا کہ مدیاں کمال کوٹ کے رہائشی کھنڈے اور محمد نسیم کھانڈے ولد عبدالمجید کھانڈے ساکن مدیاں کمال کوٹ شامل ہے انہوں نے بتایا کہ تلاشی کے دوران ان کے پاس سے تین چینی دستی بم اور ڈھائی لاکھ روپے کی نقدی برآمد ہوئی۔ اس سلسلے میں، پولیس اسٹیشن اڑی میں قانون کی متعلقہ دفعات کے تحت ایف آئی آر درج کی گئی۔مسلسل پوچھ گچھ کے دوران، دونوں ملزمان نے انکشاف کیا کہ یہ غیر قانونی طور پر حاصل کیے گئے دستی بم اور نقدی انہیں ایک منظور احمد بھٹی ولد کرم دین بھٹی، ساکن مڈیاں کمال کوٹ نے فراہم کی تھی، تاکہ وہ کسی دہشت گردی کی کارروائی کو انجام دے سکیں۔اسی مناسبت سے منظور احمد بھٹی کو پوچھ گچھ کے لیے اٹھایا گیا۔ پوچھ گچھ کے دوران اس نے انکشاف کیا کہ اس نے یہ غیر قانونی طور پر حاصل کیے گئے دستی بم اور نقدی دہشت گردی کی کارروائیوں کے لیے ان افراد کو فراہم کی ہے اور ایک ہینڈ گرنیڈ اور نقدی بھی اپنے گھر کے قریب معلوم جگہ پر رکھی ہوئی ہے۔نتیجتاً، اس کے انکشاف پر، ایک چینی ہینڈ گرنیڈ اور 2.17 لاکھ روپے کی نقدی برآمد ہوئی۔ اسے فوری کیس میں گرفتار بھی کیا گیا۔ مزید تفتیش جاری ہے۔
