جموں 23 فروری 2024 ئ
چیف سیکرٹری اتل ڈولو نے آج یونین ٹیر ٹری لیول کوارڈینیشن کمیٹی ( یو ٹی ایل سی سی ) کی 34 ویں میٹنگ کی صدارت کی جس میں ریزرو بینک آف انڈیا ( آر بی آئی ) کی طرف سے بلایا گیا تھا جس میں اسٹیک ہولڈرز کے درمیان مارکیٹ انٹیلی جنس کا اشتراک، غیر مجاز ڈپازٹس ، غیر منظم اداروں کی دھوکہ دہی کی سرگرمیوں سے متعلق امور پر تبادلہ خیال کیا گیا ۔ میٹنگ کے دوران چیف سیکرٹری نے بینک حکام پر زور دیا کہ وہ مالیاتی دھوکہ دہی کے ممکنہ طریقوں کے بارے میں عوام میں کافی بیداری پیدا کریں ۔ انہوں نے انہیں مشورہ دیا کہ وہ باقاعدگی سے عوام کو اس کی پابندی کرنے کیلئے کیا کریں اور کیا نہ کریں ۔ یہاں تک کہ اس نے طلباءاور ایس ایچ جی ممبروں کے درمیان آو¿ٹ ریچ پروگرام منعقد کرنے پر زور دیا تا کہ یہاں کا ہر گھرانہ اس بات سے واقف ہو کہ ان دھوکے بازوں کے ہاتھوں سے خود کو کیسے بچائیں ۔
میٹنگ کے دوران مسٹر ڈولو نے ایکشن پوائینٹس کا بھی جائیزہ لیا جن میں پولیس حساسیت کے پروگراموں کے انعقاد ، عوامی بیداری پیدا کرنے کی سرگرمیاں ، غیر مجاز ڈپازٹس کے زیر التوا دھوکہ دہی کے معاملات میں ہانے والی پیش رفت اور ڈیجٹل قرضے شامل ہیں ۔
انہوں نے عوامی پیسے کی حفاظت کیلئے ان محاذوں پر مزید موثر کارروائی کرنے پر زور دیا اور غیر منظم ڈپازٹ اسکیموں ( بی یو ڈی ایس ) ایکٹ 2019 پر پابندی کے وسیع استعمال پر زور دیا ۔
اس موقع پر جی ایم آر بی آئی نیرج کمار نے مختلف پروگراموں پر روشنی ڈالی جو آن لائن میدان میں دھوکہ دہی کی سرگرمیوں میں اضافے سے نمٹنے کیلئے اٹھائے جا سکتے ہیں اور اس طرح کی دھوکہ دہی کو کم کرنے کیلئے تمام اسٹیک ہولڈرز کے درمیان باہمی تعاون پر زور دیا ۔
جموں و کشمیر میں غیر مجاز ڈپازٹس اور قرض دینے والے ایپس سے متعلق دھوکہ دہی کی حالیہ پیش رفت پر بھی میٹنگ میں تبادلہ خیال کیا گیا ۔
میٹنگ میں جموں و کشمیر حکومت اور محکمہ پولیس کے سینئر افسران بشمول سپیشل ڈی جی کرائم ، پرنسپل سیکرٹری داخلہ ، اے ڈی جی پی ، سی آئی ڈی ، سیکرٹری ریونیو ، سیکرٹری قانون ، رجسٹرار آف سوسائٹیز ، جوائینٹ ڈائریکٹر انفارمیشن ، رجسٹرار آف کمپنیز جموں اور کوپریٹو سوسائٹیز کے جوائینٹ رجسٹرار نے شرکت کی ۔
آر بی آئی اور ایس ای بی آئی کے افسران نے بھی ذاتی طور پر یا ویڈیو کانفرنسنگ کے ذریعے میٹنگ میں شرکت کی ۔
